Ilow pop ha rokk yn Greunlond

Istori

Enyshes o Greunlond a ilow gwerinek Amerika Gledh hag Europa bys dhe gres an 20ves kansvledhen. Onan a’n bagasow kynsa o an Nuuk Orleans Jazz Band.

Hip hop

A-dhia 1984, delanwes meur veu hip hop Amerika. Nuuk Posse yw unn bagas hip hop sewen a-dhiwedhes.

Rokk

Y tallathas ilow rokk ha pop Greunlond yn 1973 pan veu dyllys an kuntilow ‘Sumut’ gans an bagas Sumé war label Demos. A-dro dhe ugens kansran a boblans Greunlond a brenas an blasenn, kenys y’n yeth Greunlondek ha synsi donsyow tabour hengovek y’n ilow. Y hwrug an kaner, Rasmus Lyberth, kemeres rann y’n dewis rag kavos kan Danek y’n Kesstrif Kan Eurovision yn 1979. Kan yn Greunlondek o homma. Furvys niver a vagasow rokk ha pop y’n 1980ow ha 1990ow. Ensamplow da a vagasow rokk veu G-60 hag Ole Kristiansen, ha bagasow ynspirys gans reggae Jamayka ha funk Afrikan-Amerikanek veu Aalut ha Zikaza. Kuntilow kynsa Zikaza a werthas 10,000 a blasennow (adro dhe 50,000 yw poblans Greunlond). I a dhegemeras plasen groghen reun avel pewas yn le plasen owr po platinom.

Synsys yw an gool rokk Nipiaa pub bledhen yn Aasiaat, ha kanoryon gerys da yw Chilly Friday, briansen-ganer Sylvia Watt-Cloutier ha Karina Moller. Bagasow rokk a vri erel yw Kalaat, Siissisoq, Angu Motzfeldt, Pukuut, X-it, Fiassuit, Nanook, Small Time Giants hag UltimaCorsa. Yma ilow metol ow tos ha bos moy apert yn Greunlond, kepar hag Arctic Spirits. I a gan y’n yeth Greunlondek yn unnik.

logo sodhogel KNR (yn 2009)

Diwysians ilow

An moyha label plasen yn Greunlond yw ULO, a Sisimiut; furvyes o gans Malik Hoegh ha Karsten Sommer. ULO a dhyllo kuntilowyow gans bagasow rokk kepar ha Sume, karoryon pop kepar ha Rasmus Lyberth, ha bagasow hip hop kepar ha Nuuk Posse keffrys hag ilow gwerin.

Karsten Sommer a ULO owth aretha yn kuntelles Womex yn Budapest yn 2015

Kalaallit Nunaata Radioa (Radio Greunlond) yw’n fondyans media moyha posek y’n wlas.

Kanow

Kevrennow

http://music.gl/
https://tedium.co/2016/02/02/greenland-popular-culture/
https://visitgreenland.com/articles/greenlandic-music/
https://greenlandicpopularmusic.com/en/wp-content/uploads/sites/2/2013/12/The-Music-in-Greenland-and-Greenland-in-the-music-Andreas-Otte2.pdf

Yma'n erthygel ma owth usya an Furv Skrifys Savonek a-barth Kernowek kres.