John Parker

John Henry David Parker, aswonys ynwedh avel Yowann Parker, (10 Gortheren 1929 - 18 Meurth 2020) o dyskador ha awtour Kernewek. Genys veu yn Ilford, Essex yn 1929. Wosa gradhya yn erbysieth yn LSE, ev a spenas lies bledhen ow tyski awgrym ha Latin, ha wosa henna dos ha bos hwithrer skolyow. Hag oberi yn Kenya ev a dhyskas Swahili. Ev a skrifas a-dro dhe'y dermyn ena yn Kenya Interlude, dyllys yn 2015.

Ev a vetyas y wreg, Shirley (née Tinker) hag ev owth oberi yn Exmouth. Eseli ens i a Kowethas Operatek Karesk. Hi a leveris bos ganso an lev kana hwekka. I a dhemedhis yn 1977. Wosa remova dhe Gernow yn 1994, John Parker a dhallathas dyski Kernewek dre Kernewek Dre Lyther. Y dhyskadoryon o Ray Edwards ha Jori Ansell.

Wosa dos ha bos bardh yn 1998 gans an hanow bardhek Den Prasow, ev a dheuth ha bos dyskador Kernewek dre KDL. Yn 2002 ev a dhallathas klass yn Lannystli, ow tyski lies dysker a dheuth ha bos berdh a-wosa. An klass a dheuth has bos Klass an Hay.

Ev a skrifas lies lyver yn Sowsnek ha Kernewek. Ev o skrifer lies hwedhel berr yn Kernewek, usys yn klass dhe weres dyski. Kentrennys o dyskoryon dhe wari, ow talleth hengov a wariow mus, skrifys gans studhyoryon po studhyoryon kyns, kepar hag "Erghwynn ha’n Seyth Korr". Drefen bos an performyansow dres an Nadelik, dallethys veu keur dhe gana karolow, An keur na, Keur heb Hanow, a wra kana hwath. Ev a weresas Projekt an Bibel Kernewek gans treylya lyvrow Ruth hag Ecclesiastes.

Rol a lyvrow dewisys skrifys gans John Parker

Yn Kernewek

• Keskowsow (1998)
• Keskowsow Istorek (2005)
• Keskowsow Istorek ha Keskowsow (2009) (kuntel a'n dhew lyver gans cidi)
• Gwariow Mus (2013) gwaynyer Pewas Holyer an Gof
• Syrr Anthony Kingston yn Kernow (dyllys warlinen)
• Hwedhel an Pyskador ha Taklow Erell (2018)
• Komprehendys veu pymp hwedhel berr ganso yn Hwedhlow a-dhiworth An Orsedh (2009):
  • An Gador Wag,
  • Diwedhes yw an Jydh,
  • Hwedhel Hwarthus - Tamm Bodhar Ov Vy Hedhyw,
  • Kevrin an Manerji
  • Toll y'n Fordh

Yn Sowsnek

• Reading Latin Epitaphs: A Handbook for Beginners (1999)
• The Platonic Solids and Some Others (2004)
• A Latin Legacy (2015)
• Vox Romana: The Romans Had a Word for it (2015)
• Kenya interlude : some memories (2015)
• Living Latin: The Heritage of Latin Phrases and Quotations in English (2016)