Jungfrau
Jungfrau yw menydh ughel yn Swistir. Styr y hanow yw gwerghes yn Almaynek. Onan a'n chif pennow menydh y'n Alpow Bernese yw, desedhys yntra ranndir Bern ha ranndir Valais, hanter fordh ynter Interlaken ha Fiesch. Y ughelder yw 4,158 meter (13,642 tr). War-barth an Eiger ha'n Mönch ev a furv fos gowrek a venydhyow ow mires dres an Bernese Oberland, onan a'n gwelyow moyha arbennik yn Alpow Swistir. Yskynnys veu an menydh yn kynsa 3 Est 1811 gans an breder Johann ha Hieronymus Meyer a Aarau ha dew helghyer chamois a Valais, Alois Volken ha Joseph Bortis.
 | |
| Sort |
menydh  |
|---|---|
| Doronieth | |
| Rann a'n re a sew |
ranndir gwithys Jungfrau-Aletsch |
| Konteth |
Lauterbrunnen, Fieschertal |
| Gwlas |
Swistir |
| A-ugh an mor |
4,158 Meter |
| Kesordnogyon |
46.5369°N 7.9625°E |
| Manylion | |
| Sevyans |
694 Meter |
| Tas topp |
Finsteraarhorn |
| Kadon |
Jungfrau-Fiescherhorn Group |
 | |
| Devnydh |
karrek wodhosek |
Tennvos fest gerys-da rag tornysi yw ranndir an Jungfrau, gans niver a hensi-horn, ow komprehendya onan a yskyn dhe'n Jungfraujoch (an Jungfraubahn), bolgh ynter an Jungfrau ha Mönch, gans ughelder a 3,454 m (11,332 tr). Komplek meur a gowdell ha drehevyansow a veu drehevys war an Jungfraujoch, henwys "Topp Europa". Omma yma niver a vostiow ha barrys, gwerthjiow, omdhiskedhyansow liesmedia, sodhva bost ha gorsav hwithrans gans ostyansow. Yskynnell a dhe benn karrek an Sfinks ha'y virji steroniethel, ughelder 3,571 m (11,716 tr), War-ves yma skol skia ha'n "Palas Rew", kuntel a gravyansow rew.
Mirva
golegi-
Menydhyow an Eiger, Mönch ha Jungfrau -
Mirji an Sfinks -
An Jungfraubahn a yskyn war y fordh dhe Jungfraujoch -
An Jungfrau a-dryv an Sfinks -
Rewliv Aletsch dhyworth an Jungfrau -
Menydh an Jungfrau
