K2
K2 ew an menedh nessa uhella e'n bes. Radn ew a venydhyow an Karakoram en west an Himalayas. Y hanow a dheu dhort y vos an eyl venedh henwys war vappa a'n Karakoram. Complys an hanow Menedh Godwen Austen en dedhyow an Raj Bretednek, bes skonyes an hanow gen an Cowethas Doroniethel Riel. Emava ow sevel war an or tredh Pakistan ha China. Estemys ew K2 dhe vos an kalessa menedh dhe'y yskydna e'n bes, drefen y vos meur kalessa ages Menydh Everest saw tabm bian isella dhodho. 31 Gorefan 1954, dew grambler a Itali a sewennas drehedhes an pedn, Lino Lacedelli hag Achille Compagnoni. Na veu an menedh yskydnys arta bys dhe 9 Est 1977, 23 bledhen ywoja hedna, pan waynyas para a Nihon y yskydna. Erbydn mis Est 2004, thera dhe 246 a bobel yskydnys K2 ken yskydnas 2,238 Everest en kettermyn. E ferwis 67 a grambloryon dhe'n lyha owth assaya, ow comprehendya 13 dres 1986 hag 11 en Est 2008. Erbydn an vledhen na, estemys ew bos 27% a'n bobel a sevis war benn K2 dhe verwel war an vor' dhe'n dor.
 | |
| Sort |
menydh  |
|---|---|
| Henwys dhyworth |
Karakoram, 2, Henry Haversham Godwin-Austen |
| Doronieth | |
| Rann a'n re a sew |
Seven Second Summits, ultra-prominent peak |
| Konteth |
Taxkorgan Tajik Autonomous County |
| Gwlas |
Pakistan |
| A-ugh an mor |
8,611 Meter |
| Kesordnogyon |
35.8811°N 76.5133°E |
| Sevyans |
4,020 Meter |
| Kadon |
Baltoro Muztagh |
 | |
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.