Knowen

Know yw frooth ow konsistya a gragen gales ow tifresa sprusen yth yw debradow, dell yw usys. Yn usadow kemmyn hag yn keginieth, diversita efan a hasennow segh yw gelwys know, yn losowiethel, "knowen" a styr na wra an gragen ygeri dhe livra an sprusen.

Ensampel a	sort a frothen
Klass	indehiscent fruit
Restrennow kelmys war Gemmyn Wikimedia

Know gwerthys yn marghas

An brassa rann a hasennow a dheu dhyworth frooth a livra aga honan dhyworth an gragen, mes nyns yw hemma gwir yn know kepar ha know koll, kesten ha mes. Byttegyns, kyn nag yw alamandow, pekanow, pistashyow, know Frynk ha know Brasil degemerys avel know y'n styr losowiethel, keginieth a's degemmer. Know yw rych yn nerth ha megyans.

Know keginiethel
Hanow	Image	Devedhyans	Deskrifans	Askorrans
Alamand (Prunus dulcis)		Dhyworth Iran y'n kynsa le	Gwerthys yw alamandys yn aga hragennow po hebdha	Askorrans ollvysel a alamandys yn 2019 o 3.5 milvil tonnas, ha'n powyow askorra moyha o an Statys Unys, Spayn, Iran, Turki ha Marokk
Knowen Vrasil (Bertholletia excelsa)		Teythyek dhe Amerika Dhyghow trovannel le may fo know kuntellys dhyworth gwydh y'n gwyls	Hasennow yns i gans kragennow kales synsys yn pelen gales prennek	Yn 2019, askorrans ollvysel o 78,000 tonnas, dre vras dhyworth koswik law Brasil ha Bolivi
Kashew (Anacardium occidentale)		Dhyworth Brasil north-est, mes tevys yn efan y'n trovannow	An frothen a's teves kragen dew ow synsi hasennow	Askorrans ollvysel yn 2019 o 4 milvil tonnas, ha Côte d'Ivoire hag Eynda yw an gwlasow posekka
Kestenen (Castanea spp.)		Teythyek dhe ranndiryow temprek Hanterkylgh an Ogledh	Knowen wir ow tevi yn pelen dhreynek	Askorrans ollvysel yn 2019 o 2.4 milvil tonnas, an gwlasow askorra posekka yw China, Turki, Korea Dhyghow, Portyngal, Itali, Pow Grek ha Spayn
Knowen goko (Cocos nucifera)		Tevys dres an trovannow	An frothen a's teves "kig" ha "sugen" kerghynnys gans kragen fibrus	An askorrans moyha a neb knowen, gans sommen a 62.5 milvil tonnas yn 2019, hag Indonesi, Filipinys hag Eynda yw an askororyon moyha
Knowen goll (Corylus avellana)		Teythyek dhe ranndiryow temprek Hanterkylgh an Ogledh	Knowen wir ow tevi yn pelen dhelek	Yn 2019, askorrans ollvysel o 1.1 milvil tonnas, dre vras yn Turki, gans gwlasow posek erel ow komprehendya Itali, Azerbayjan, Statys Unys, Chile ha China
Makadamia (Macadamia spp.)		Teythyek dhe Ostrali, ha boos posek dhe'n poblow teythyek kyns devedhyans Europeanyon	An frothen yw kales ha prennek ow komprehendya onan po dew a has	Askorrans an bys yn 2018 o 200,000 tonnas, Afrika Dhyghow yw an askorrer posekka, sewyes gans Ostrali ha Kenya
Knowen dhor (Arachis hypogaea)		Dhyworth Amerika Dhyghow yn terowel, ha tevys a-dhia 10,000 bledhen. Tevys yn efan y'n trovannow	Plysken baperyek yw an frothen ow komprehendya onan po moy a hasennow haval dhe gnow	Askorrans ollvysel yn 2019 o 49 milvil tonnas, ha China yw an pow aaskor an moyha, hag ena Eynda, Nijeri, Soudan ha'n Statys Unys
Pekan (Carya illinoinensis)		Teythek dhe soth an Statys Unys ha Meksiko north	An frothen a's teves plysken wyrdh	Askorrys yw 2 po 3 milvil tonnas pub bledhen, an brassa rann anedha yn Jeorji, Meksiko Nowydh ha Teksas
Knowen bin (Pinus spp.)		Hanterkylgh an Ogledh	Tennys yw an hasennow yn mes a avalow sab prennek	Yn 2017, askorrans an bys o 23,600 tonnas, ha'n gwlasow askorra posekka yw Korea Dhyghow, Russi, China, Pakistan, hag Afghanistan
Pistashyow (Pistacia vera)		Teythyek dhe Asi Kres, le mayth yw gwedhen an difeythtir	An frothen a gomprehend unn hasen yn kragen gales liw dehen	Askorrans ollvysel yn 2019 o 0.9 milvil tonnas, dre vras Iran ha'n Statys Unys, ha le dhyworth China ha Turki
Knowen Frynk (Juglans regia) Knowen Frynk du (Juglans nigra)		J. regia a dheuth dhyworth Iran hag Asi Kres, ha J. nigra dhyworth rann est an Statys Unys	An frothen a's teves plysken wyrdh, hanter kigek	Yn 2019, askorrans an bys o 4.5 milvil tonnas, ha'n brassa rann anodho yn China, gans an Statys Unys hag Iran owth askorra le

Onan a'n mil erthygel posekka war Wikipedya yw an erthygel ma.