Krows Hirlan
Krows Hirlan (Sowsnek: Godolphin Cross) yw gwig y’n keverang kyns a Geryer yn Kernow. Yn Pluw Vrek yw, hanter an fordh yntra Heyl ha Hellys.[1]
 Eglos Sen Jowan | |
| Sort |
gwig  |
|---|---|
| Doronieth | |
| Konteth |
Kernow |
| Gwlas |
Ruvaneth Unys |
| Kesordnogyon |
50.1334°N 5.3485°W |
| Kod OS |
SW607313 |
| Kod post |
TR13 |
 | |
Yma Krows Hirlen war dir ughel, rann a furvyans dororiethel henwys Men growan Tregonan-Godhwolghan (Sowsnek: Tregonning-Godolphin Granite), hemm yw an tir ughel gwastas y’n ranndir na. Onan a'n pymp batholith yw yn Kernow gwrys a ven growan, (mirewgh orth Dororieth). Unn mildir war-tu ha’n west dhyworth an wig yw Karn Godhwolghan. An vre na a yskyn dhe 162 meter (531 tros-hys).[1]
An Stat Godhwolghan yw ogas dhe'n wig. An Trest Kenedhlek a'n perghen yn tien lemmyn. An stat dien ha'n gwedhek a-dro dhodho yw ygor dhe'n werin unweyth arta. Ekskludys esens i a'n vrassa rann anodho gans an berghennow kyns.
Skol Gynsa Godhwolghan yw rag fleghes dhyworth 4 dhe 11 bloodh. Yth esa rol a 82 flogh ynni yn mis Du 2021.[2] An skol a gavas derivas da dhyworth Ofsted yn mis Methevan 2015.[3]
Nyns yw eglos Sen Jowan an Besydhyer devnydhys lemmyn. Desinys gans James Piers St Aubyn veu ha drehevys yn 1849–50. Yn 2006 Konsel Keryer a dhegemeras profyans towlenna rag treylya an eglos dhe annedh privedh [4]
Yma Krows Gernewek y’n gorflan. Yn 1896 removys veu dhe’n gorflan wosa hi dhe vos devnydhys avel peul yet war stat Chytodden.[5]
Wosa kaskyrgh gans Kowethas Kemeneth Krows Hirlan rag arghasans, prenys veu an chapel Methodek koth, gans gweres a ro dhyworth Sheikh Mohammed bin Rashid Al Maktoum| an Emir a Dubai. Tus an wig re lavarsa orto a-dro dhe'n gevren istorek ynter an wig ha Francis Godolphin 2a Yerl a Wodhwolghan.[6] a vagas mergh dhyworth an Godolphin Arabian. Margh a vri meur o, onan a'n tri margh kellek may teu pub margh resek pur dhywortha. An Sheikh yw penn kowethyans resek mergh ollvysel, Godolphin y hanow. Kresen gemeneth an wig yw an chapel lemmyn. Organ an chapel a dheuth dhyworth chapel aral yn 1936. Drehevys veu gans H P Dicker yn Karesk y'n 1890ow. Gwithys veu ha ena gwayys hwegh mildir dhe'n Kuntel Ertach Kernow y'n Gwithti Bal Poldark.
Devynnow golegi
- ↑ 1.0 1.1 Landranger map sheet 203 Land's End, Ordnance Survey
- ↑ "Godolphin Primary School". Governans Ruvaneth Unys. https://www.get-information-schools.service.gov.uk/Establishments/Establishment/Details/143977. Kyrghys 2021-11-21.
- ↑ "Godolphin Primary School". Governans Ruvaneth Unys. https://reports.ofsted.gov.uk/provider/21/111809. Kyrghys 2021-11-21.
- ↑ "Planning Applications, Kerrier DC July 2006: PA06/01187/F". Cornwall Council. https://planning.cornwall.gov.uk/online-applications/applicationDetails.do?activeTab=summary&keyVal=J28N1UIT62000. Kyrghys 2021-11-21.
- ↑ Langdon, Arthur G. (1896), Old Cornish Crosses, Truro: Joseph Pollard, pp. 252-253, https://archive.org/details/oldcornishcrosse00lang/page/252
- ↑ Letcher, Lisa (2019-09-07). "How a Cornish village fought back and won against the closure of a community lifeline". Cornwall Live. https://www.cornwalllive.com/news/cornwall-news/how-cornish-village-fought-back-3288877. Kyrghys 2021-11-21.
|
Porth Kernow – Tre rag folennow ha klassys Wikipedya a-dro dhe Gernow. |