Lowarn Arktek
| Lowarn arktek Vulpes lagopus | |
|---|---|
| |
| Lowarn arktek | |
| Klassans bewoniethek | |
| Gwlaskor: | |
| Fylum: | |
| Klass: | |
| Urdh: | |
| Teylu: | |
| Kinda: | Vulpes
|
| Ehen: | V. lagopus
|
| |
| Gwrandrans lewern arktek | |
An lowarn arktek, hanow skiansek Vulpes lagopus yw lowarn byghan a drig yn ranndir an Arktek. Y ughelder yw 10-12 meusva (25-30 cm), ha'y boos yw 6.5 - 21 peuns (2.7 - 4.5 kg). An re benow yw le ages an re gorow dell yw usys. Shap y gorf yw krenn, gans tron ha garrow berr, ha skovarnow kott blewek. Y vinvlew yw tew ha down, gell y'n hav ha gwynn y'n gwav. Hys aga bewnans yw 3 - 6 bledhen.
An lowarn ma a yll bewa y'n ogledh yeyn pan vo an tempredh -35°C hogen. Aga minvlew tew a's gwith tomm. Minvlew an lowarn arktek a brev an enysheans gwella a bub bronnvil oll. Y bawyow ledan blewek a allosegi ev dhe gerdhes war rew po ergh rag hwilas boos. Lewern arktek a's teves skovarnow pur dha may hallo klewes enevales byghan yn-dann an ergh. Pan wrello klewes eneval yn-dann an ergh, ev a lamm ha hwaffa dre'n ergh rag kachya y breydh. Olldhebroryon yw lewern arktek, ow tybri lemmyngas, skovarnogow arktek, puskes, ydhyn, oyow, frooth, hwesker, reunes byghan ha karyn.
Ny wra lewern arktek gwavgoska. I a dyv minvlew tewwa rag an kynnyav, ow kwaynya moy ages 50% a boos aga horfow avel blonek rag enysheans ha kreunyow nerth.
Torrasneth a dhur 53 dydh kyns genesigeth an lewernigow. An vamm a askor 5-8 lowarnik, ha treweythyow kemmys ha 25 lowarnik. Ha'n tas ha'n vamm a weres maga an re yowynk. An re benow yowynk a as an teylu ha furvya aga bagasow aga honan, ha'n re gorow a wort gans an teylu. Lewern arktek a furv koplow y'n seson omdhon. Dinythys yw lewernigow a-varr y'n hav. An kerens a veyther an yonkers yn fow meur yn-dann dor. Dinythys yw an lewernigow gans minvlew gell. Kepar dell wrellons adhvesi, aga minvlew a dreyl gwynn. I a gosk gans aga lostow plegys a-dro dhedha aga honan. I a's teves sens krev a glewes blasow. I a yll klewes blas karyn gesys gans eirth gwynn a bellder kemmys ha 10 - 40 km.
-
Lowarn arktek ow koska -
Lewernigow -
Lowarn arktek gans eghek -
Lowarn arktek gans minvlew hav gell -
Lowarn arktek gans minvlew gwav
