Manakish
Manakish (Arabek مناقيش manāqīsh), po yn y furv unplek man'ousheh, henwys treweythyow فَطَايِر (faṭāyir), yw boos meurgerys a'n Levant a gonsist a doos gans tim, keus po brewgik war benn. Hevelep dhe bitsa, y hyllir aga treghi po plegya, ha dyghtys yns rag hansel po li. An ger manaqish yw an liesplek a'n ger Arabek manqūshah (dhyworth an verb naqasha 'gravya po kervya'), gans an styr dell yw gweskys an toos dhe wul pansow munys le mayth yw settys an kappa wosa rolya an toos dhe vos gwastas.
 | |
| Klass |
Bara leven, sand  |
|---|---|
| Gwlas |
Lebnon |
 Restrennow kelmys war Gemmyn Wikimedia | |
Yn hengovek, benenes a bobsa toos yn forn kemmyn myttinweyth rag brovia bara dedhyek an teylu, ha kettermyn pareusi mynsow le a doos gans kappys dyffrans rag hansel.
Meurgerys yw manakish y'n Levant oll, ha kevys yns yn powyow yn ogas ha ranndiryow mayth o omdhivroansow Levantin.
Kappys klassek
golegi- Za'atar (Arabek زَعْتَر zaʿtar, ow styrya 'tim'). An furv moyha gerys-da a wra devnydh a za'atar (tim, organs (oregano) hag organs an wreg (marjoram) seghys war an nor kemyskys gans has sesame kresys ha holan) avel kappa. Kemyskys yw an za'atar gans olew ha lesys yw war an toos kyns pobas y'n forn. Za'atar manakish yw hansel drudh yn boos an Levant. Dyghtys yw ynwedh avel rann a mezze, po avel kon gans gwedren a de menta ha keus feta war denewen.
- Keus (Arabek جُبْنَة jubna). Usys yw dew chif sort a geus war vanakish: akkawi (Arabek عَكَّاوي akkāwī) ha kashkaval (Arabek قَشْقَوَان qašqawān). Usys yw tressa keus, sfatit (Ebrow: צפתית) saw yn Ysrael. Keworrys yw za'atar dhe manakish keus treweythyow rag y vlas.
- Lahmacun po brewgik on (Arabek لحم بعجين lāḥm bi-‘ajīn (kig ha toos)) henwys ynwedh sfiha. Dybrys yw manakish ha kappa a vrewgik on rag li dell yw usys. Kemyskys yw an kig on gans temmigow a aval kerensa munys hag olew. Dyghtys yw gans puber po pyckels ha yogort.
- Chili (Arabek فليفلة po فلفل حر).
- Kashk (Arabek كشك). An boos meurgerys ma a Iran yw kemyskans a yogort ha gwaneth melyes usys war y honan po gans kappys erel, kepar ha know Frynk po onyon lesys war an bara.
- Spinach (Arabek سبانخ sabāniḵ)