Manawydan mab Lyr
Manawydan mab Lyr yw an chif person kampollys yn tressa skorren a'n Mabinogyon, hemm yw an hwedhel Manawydan vab Lyr. Ev a omdhiskwedh ynwedh y'n eyl skorren, Branwen myrgh Lyr.
.jpg) | |
| Ensampel a |
duw dowr, duwses  |
|---|---|
| Keskelmys gans |
Manannán mac Lir |
Berrskrif a'n hwedhlow
golegiBroder yw Manawydan dhe Vranwen ha Bran Vennesik, myghtern Enys Vreton. Pan vo Branwen droghandlys gans hy gour, Matholwch, myghtern Iwerdhon, Manawydan a dremen dhe Iwerdhon gans y goweth ha'y lu rag diala. Wosa batalya hwerow, Manawdyan yw onan a'n seyth den a dhehwel yn fyw a Iwerdhon. Ev a dhegemmer govyn gans Pryderi dhe vos war-barth hag ev dhe Dhyved ha demedhi y vam, Rhiannon.
Kyns pell, hus a godh war Dhyved, ha'y bobel a wra mos mes a wel, a-der Manawydan, Rhiannon, Pryderi ha Kigva, gwrek Pryderi. Konstrinys yns i dhe remova dhe Bow Sows, le mayth ober Manawydan ha Pryderi avel kreftoryon. I a us niver a greftow, mes aga ober yw mar dha dell yw an greftoryon leel eskarek dhedha ha'ga honstrina dhe remova a le dhe le.
I a dhehwel dhe Dhyved, le may yw Pryderi prisnys yn kastel hus. Prisnys yw Rhiannon ynwedh, ha hi owth assaya y sawya. Ytho saw Manawydan ha Kigva yw gesys. Wosa diw vledhen, Manawydan a gach onan a'n logos re beu ow tybri y ys, ha darbari hy hregi. Y teu skolheyk, pronter hag ena epskop rag assaya movya Manawydan may hwrello sevel orth kregi'n logosen. Diskudhys yw bos an logosen gwrek dorrek Llwyd mab Cil Coed. Llwyd ynwedh a worras an hus war Dhyved rag diala an fordh a veu y goweth Gwawl mab Clud droghandlys gans Pwyll y'n skorren gynsa. Frynkyes veu y wrek war ambos dell rydhha Pryderi ha Rhiannon ha lettya an hus.
Hanow Manawydan mab Lyr yw haval dhe dhuw an mor, Manannán mac Lir, yn Iwerdhon, a'n jeves kolm dhe Vanow maga ta. Byttegyns, gnas Manawydan y'n Mabinogyon yw pur dhihevelep dhe nas Manannán mac Lir yn mythologieth Iwerdhon.
An desten
golegi- Ifor Williams (gol.), Pedeir Keinc y Mabinogi (Gwasg Prifysgol Cymru, 1930; lies dyllans wosa henna)
- Ian Hughes (gol.), Manawydan Uab Llyr (Gwasg Prifysgol Cymru, 2008). ISBN 9780708321560