Duwses

Duwses, duw po duwes yw kroadur gornaturek gwelys avel sans, sakrys po duwel. Kryjyansow a yll bos gorrys yn klassys dre by lies duwses a wrons i gordhya. Yma saw unn duwses dhe gryjyansow undhuwydhek (dre vras, henwys "Duw"), mes yma lies duwses dhe gryjyansow liesdhuwydhek. An brassa dew gryjyans war an Nor, Kristonedh hag Islam, a grys yn marnas unn duw.

Delow Janus ha Bellona, dew a'n duwsesow hen roman, an eyl a dharasow hag y gila a vresel.
Delow Janus ha Bellona, dew a'n duwsesow hen roman, an eyl a dharasow hag y gila a vresel.

Awos bos lies kryjyans y'n bys, yma lies tybyans dyffrans yn kever pes duwses eus, pyth yns ha pandra yllons gul. Y'n brassa rann a relyjyons, kryjygyon a breder bos duwsesow anvarwel ha bos gallosow dhedha lies gweyth dres nerth tus. Deistieth yw an kryjyans bos duwses na wra chanjya taklow y'n ollvys, olldhuwieth yw an kryjyans bos an ollvys y honan an duwses ha didhuwieth yw an kryjyans nag eus duwsesow.

Nebes ensamplow a'n duwsesow a gryjyansow dyffrans yw Zeus a'n relyjyon hen rek, Thor a'n relyjyon hen norsek, Meurth (Mars) a'n relyjyon hen roman, Isis a'n relyjyon hen ejypek, Duw a Gristonedh, Allah a Islam, Ganesha a Hindoueth, Amaterasu a vythologieth nihonek, Brigid a vythologieth iwerdhonek hag Epona a vythologieth galek.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.