Marian
Marian yw tommen a rewtinyow godhesys gans rewliv. Drefen myns ha nerth an rewliv, ev a yll karya stoff a bub myns, dhyworth tewes ha pri dhe vili meur, hemm yw rewtinyow.
.JPG) | |
| Klass |
tirfurv rewlivel  |
|---|---|
 Restrennow kelmys war Gemmyn Wikimedia | |
Marianow yw godhesys yn niver a dylleryow dyffrans.
Pennmarian golegi
An brassa rann a'n godhesa a hwer war benn isella an rewliv, yn tommen meur henwys pennmarian (Sowsnek: terminal moraine). An pennmarian a dhiskwedh an tyller pella drehedhys gans an rewliv. Pan hwra an rewliv dalleth teudhi, an pennmarian a yll bos arge dhe'n dowr a fros dhyworth an rewliv. Ytho furvyes yw lynn ragrewlivel.
-
Pennmarian Rewliv Wordie yn Greunland
-
-
Tylleryow pennmarianow yn Pow Finn
Selvarian golegi
Keffrys ha'n pennmarian, yma godhesans yn dann an rewliv plastrys a-dreus an tir (selvarian). Gelwys yw hemma ground moraine yn Sowsnek. Selvarian a furv breow byghan po gwastatiryow leven. Rann anodho yw stoff herdhys gans an rewliv ha rann rewtiryow teudhys pan wrello an rewliv kildenna. Furv a selvarian yw bronn.
-
Selvarian
-
Selvarian yn Lynn Louise, Kanada
Marian tenewen golegi
Karrygi terrys dhyworth tenwennow an nans gans ober rewi-teudhi a godh avel radel dhe denewen an rewliv. An rewliv ynwedh a herdh rewtinyow lows dhe'n tenwennow. Hemm a furv marian tenewen.
Marian kres golegi
Pan wrello dew rewliv metya, an marianow tenewen a jun dhe furvya marian kres. Y hwelir marianow kres avel skethow tewl a-hys an rewliv.
Marian ughrewlivel golegi
Marianow ughrewlivel yw furvyes gans rewtinyow kuntellys war benn an rewliv. Hemm a yll hwarvos drefen liv an rew tro'ha'n arenep y'n barth ablasya, teudhi a rew arenep po radel ow kodha war an rewliv dhyworth fosow tenewen an nans U.
-
Marian ughrewlivel war benn an Revliv Athabaska yn Kanada. (Notyewgh an kyttrinyow tornysi war an rewliv)
.jpg)