Pri

Pri ew karrek wodhasek gwres a berthyglow pur vunys a dheu dhort tewedhans karrygi erel. An pethyglow ew treusperthys gen ryvers po rew hag ena godhasys.

Ensampel a	material
Klass	godhes klastek, stoff furvadow, stoff gravyans
Synsys ynno/i	Pri gwynn, dowr, liw
Restrennow kelmys war Gemmyn Wikimedia

Pri Loundres ew kesten war an mappa

Mappa a dhororieth Pow an Sowson soth-est ow tiskwedhes priow Loundres (kesten) ha Gault (gwlas) ha krey tredh anjei

En venowgh pri ew kevys war woles ledrow krey, r.e. an Gonyow soth en Pow an Sowson. Pri a furv tirwedhow medhel, drefen ev dhe kawsya tirslynkow pan vo gleb, en venowgh gen telleryow leun a dhowr.

Andewenadow ew pri, ha tipek ew meur a woverow war an enep. Ma dhe bri meur a vethydnow, ha nag ew usys en es.

Gwriansow denel

Mengleudha ew kebmyn en tiredhow pri, ha usys ew rag gul pottys ha bryckys, gul paper, hag en ensampel kaolinit, rag priweyth. Ma lies mengleudh kaolinit en tiredh Sen Austel, en Kernow.

Pur bosek ew tiredhow pri rag abmeth, awos ev dhe gomprehendya meur a vethydnow, hag awos bos an tirwedh mar wastas, etho kavadow ew rag jynnow bargen tir. Tus a ell usya an tir rag abmeth aradow, lowartha losow hag abmeth leth.

Pri ew usys en art rag gravyansow. Ma ehednow dyffrans a bri, pan vo usys gen monyow ha studhyow fornya dyffrans, ow kul lestri pri dor (earthenware), lestri pri men (stoneware) ha lestri pri china (porcelain).

• 
  Tirwedh krey ha pri (an Gonyow soth)
• 
  Alsow pri en Martha's Vineyard, Massachusetts, Statys Unys
• 
  Poll pri ogas dhe Telford, Pow an Sowson
• 
  Kaolinit, usys rag gul priweyth
• 
  Poll pri Hwel Martyn en Kernow
• 
  Pri Kimmeridge, a vri en ollvysek rag y vantedhednow
• 
  Ichthyosaur kevys e'n Pri Kimmeridge
• 
  Gweres leun a dhowr displegys war bri
• 
  Diskwedhyn en Gwithti Priweyth Bernard Leach en Porthia

Ma an erthygel ma usya an Furv Skrifys Savonek a-barth Kernowek diwedhes.