Mary Eve Mills

Mary Eve Mills (14 Est 1908 - 16 Du 1975) o skrifores Gernewek.

Hi a veu genys yn Sheffield, myrgh dhe ynjynor tredanek. Hi a veu adhyskys avel artydh, ha wosa 13 bledhen a servis y'n W.R.N.S (le mayth hwrug hi kwalifia avel bualgornes), hi a drigas termyn yn Berkshire kyns remova dhe bluv Tewydnek. Hy thas gwynn o a Gernow, hag ytho, wosa termyn kott hi a dhisplegyas bern y'n yeth Kernewek. Hi a studhyas an yeth ha'y lien yn-dann kevarwedhyans D.R. Evans, Kannas Bardh Meur. Mary Mills a veu berdhys hy honan yn 1959 gans an hanow bardhek Morgelyn .

Wosa fondyans Kesva an Taves Kernewek yn 1967, hi a veu apoyntys Yskrifennyas Dyllansow. Esel kessedhek Kowethas Kernow Koth Pennsans o, esel a Vebyon Kernow ha'n Guntelles Geltek. Yn bledhen hy mernans, dyllys veu hy hwedhel Kernow a'gas Dynergh gans Blejyow Tek, re waynsa pewas Mordon-Caradar Rose Bowl an keth bledhen.