Naoned

Naoned (hemm yw hy hanow bretonek; y's helwir Naunnt yn gallo ha Nantes yn frynkek) yw cita vretonek yn département frynkek Liger-Atlantek. Port ogas hag aber Dowr Liger yw Naoned.

Yma an dre ow tenna hy hanow a'n Namnetes, loeth gallek ow triga y'n Liger-Atlantek arnowydh a-dhia termyn kyns Iulius Caesar. Omma yn 937 OK y fondyas Alain Barbe-Tort dugeth Vreten Vyghan. An benncita a Vreten Veur o Naoned y'n Oesow Kres; yma kastell an Dhugys hwath y'n cita. Yeth an niver vrassa a werin Naoned o gallo yn hengovek, hag frynkek a-wosa.

Y'n 18ves kansblydhen y teuth Naoned ha bos kres poesek a'n "kenwerth trehornek" ow kevrenna Europa, Afrika ha trevesigethow Mor an Garibys. Kenwerth kethow o selvenek, hag awos keryow kethow Senegal y teuth an port ha bos golusek.

Yth esa an Almanyon ow kevannedhi an cita a-dhia 1940 bys 1944. Yn 1943, tanbellennans gans Lu Ayr an Statys Unys a dhistruis kresenn an cita ow ladha 1 463 person hag owth aperya 2 500 arall.

Kres diwysyansek ha gonisogethek yw Naoned hedhyw; yma Pennskol Vreten Vyghan Ughel omma ynwedh. An Parti Socyalydhek yw an parti kreffa y'n dre. Yma 323,204 (1 Genver 2021) a dus trigys y'n cita, ha 632 475 y'n gemmynieth trevek.

Yn mysk an dus eryes da a-dhiworth Naoned, attendyn: