Nicolaus Kopernikus

Nicolaus Kopernikus (19 Hwevrer 1473 – 24 Me 1543) o steronydh polonek. Kopernikus yw a vri rag y dybyansow howlgresennek a-dro dhe'n Howl ha Dor. Ev a leveris bos an Howl yn kres an Kevreyth Howlek ha'n planettys ynno. Dyllys veu an tybyans yn y lyver De revolutionibus orbium coelestium (A-dro dhe resegvaow an pelyow nevek) y'n keth bledhen ha'y vernans.

Nicolaus Kopernikus
Genys	Niklas Koppernigk  19 Hwevrer 1473  Toruń
Mernans	24 Me 1543, 1543  Frombork
Trigva	Toruń, Frombork, Kraków, Padua, Bologna
Kenedhlogeth	Myghterneth Poloni, Royal Prussia
Alma mater	Jagiellonian University University of Padua University of Bologna University of Ferrara
ymgynghorydd y doethor	Domenico Maria Novara da Ferrara Leonhard von Dobschütz
Galwesigeth	steronydh, rethor, erbysydh, awgrymer, studhyer laghel, fisegydh, filosofer, treylyer, medhek, lyskannas, skrifer, canon, canon
Arvether	Jagiellonian University University of Padua
Aswonnys rag	Commentariolus, De revolutionibus orbium coelestium
Chyf delanwes	Aristarchus of Samos, Martianus Capella, Domenico Maria Novara da Ferrara, Ptolemy, Aristotle, Al-Battani, Nasir al-Din al-Tusi
Tas	Mikolaj Kopernik the Elder
Mamm	Barbara Koppernigk
Pewasow	International Space Hall of Fame
Sinans

Genys veu Kopernikus yn 1473 yn cita Toruń yn ranndir Prussia yn Poloni. Yth esa an ranndir ow kewsel Almaynek kyn feu rewlys gans an myghtern polonek y'n termyn na. Ev o mab gwikor Niklas Koppernigk ha'y wreg Barbara Koppernigk (genys Barbara Watzenrode). Y yeth deythyek o Almaynek. Adhyskys veu yn kynsa yn Cracow hag ena yn Itali, le may gradhyas avel laghyas an eglos. Ev a studhyas medhegieth ynwedh rag servya y gesklorygyon. Copernicus a spenas an brassa rann a'y vewnans owth oberi ha hwithra yn Frombork may merwis yn 1543.

Copernicus o onan a'n liesroasogyon meur a'y oos. Ev o pronter, awgrymer, steronydh, sterdhewinydh, rethor, medhek, studhyer klassek, governer, menystrer, lyskannas, erbysydh ha souder. Dres an oberennow oll, steronieth o hobi dhodho. Mes y dybyans a howlgresenieth yw onan a'n posekka tybyansow yn istori. Hemm o dalleth steronieth arnowydh, kyn eth erbynn dyskasow an Eglos Katholik. Synsys veu Galileo avel prisner yn y jy rag sewya dyskansow Kopernikus.

Henwys yw an elven Koperniciom, Copernicia (kinda a balmwydh), lorell ughviolet an Statys Unys, steren yn ranneves Cancer (55CancriA) gans hy hevreyth a blanettys hy honan, ha kowdell war an Loor ha Meurth rag enora Kopernikus.

• 
  Gwrys veu Koperniciom yn Arbrovji GSI yn Darmstadt, Almayn rag an kynsa termyn yn 1996
• 
  Tyller dinythyans Kopernikus yn Toruń. Gwithti Kopernikus yw lemmmyn (Muzeum Mikołaja Kopernika)
• 
  Lyther dhyworth Kopernikus dhe Duk Albert a Prussia, ow ri kussul medheginiethel
• 
  Lorell pellweller ughviolet Copernicus (1972-81)
• 
  Kevreyth Sterennek 55 Cancri A ha'y flanettys
• 
  Kowdoll Copernicus war an Loor
• 
  Lerghow gwynsow ponn a-dro y'n kowdoll Copernicus war an planet Meurth
• 
  Onan a'n palmwydh yn kinda Copernicia