Park Kenedhlek Chimanimani

Park Kenedhlek Chimanimani yw park kenedhlek yn Zimbabwe est. Desedhys yw war an or yntra Zimbabwe ha Mozambik. Apoyntys veu avel park kenedhlek yn 1949 gans governans Rhodesia a’n soth. Desedhys yw Gwithva Kenedhlek Chimanimani war du aral an or yn Mozambik, ytho an dhew bark a furv Parth Withans Treus-or Chimanimani. An parkow a gomprehend kadon a venydhyow (Menydhyow Chimanimani), rann a’n Ugheldiryow a’n Est ynter avonow Zambesi ha Save. Mont Binga (2436m) y’n park yw an ughella menydh yn Mozambik ha nessa ughella yn Zimbabwe. Menydhyow erel yw Mont Peza (2152m), Mont Dombe (2188m), Mawenje (2362m), oll yn Zimbabwe, ha Mont Nhamadimo (2144m) yn Mozambik.

Menydhyow Chimanimani

Sort	kadon menydhyow
Doronieth
Konteth	Mosambik, Manicaland
Gwlas	Zimbabwe
A-ugh an mor	1,413 Meter
Kesordnogyon	19.8667°S 33.1°E
Kadon	Eastern Highlands

Dororieth ha hin

An brassa rann a’n park yw keynow kandirit po kwartzit, alinys a’n north dhe’n soth, mes kevys yw shist ynwedh. An ledrow war an est a’n menydhyow a gontraweyt gwynsow glyb dhyworth an Keynvor Eynda, ytho pur lawek yns i. Mes yma ledrow an west yn glawskeusva an menydhyow, ytho seghha yw an re ma. An seson glaw a bes yntra mis Du ha mis Ebrel. A-ugh 1500m, glaw a yll kodha neb termyn a’n vledhen, hag an seson segh a yll bos niwlek ha komolek. An tempredh kresek yw yn-dann 18°C, gans rew y’n gwav.

Godhvewnans

An park a gomprehend niver a vewvaow, koswigow, savanna, gwelstiryow an menydh ha rosow. 70 eghen a blansow an menydh yw endemik dhe’n ranndir. Ughelder gwels an gwelsdiryow war gwartsit yw isel, mes gweresow war shist yw moy frothus, ytho gwelsow y’n parthow ma yw moy ughel ha doos. Prysk a dyv war ledrow serth, hag a gomprehend grugow ha Proteaceae, kepar ha Protea caffra, ha krann maga ta. Gwedhigow miombo a worher an ledrow isella ha koswigow omma hag ena (rag ensampel an wedhen Schefflera umbellifera).

Istori

An looth N’dau re drigas y’n ranndir ma nans yw kansvledhynyow. An Kevambos Sows-Portyngalek yn 1891 a rannas an N’dau ynter an trevesigethow sowsnek (Rhodesia a’n soth) ha portyngalek (Mozambik). Ranndir an parkow a wodhevis dres spysow Bresel Anserghogeth Zimbabwe (1965-1979) ha Bresel Vredereth Mozambik (1977-1992). Tardhennow yw kudyn meur hwath, yn arbennik wosa meur a law.

• 
  Mont Binga a’n north
• 
  Dowrlam Tucker
• 
  Protea caffra,
• 
  Schlefflera umbellifera, gwedhen dipek a’n koswigow
• 
  Menydhyow Chimanimani yn Zimbabwe
• 
  Aloe munchii yn Chimanimani
• 
  Gwels rudh (Themeda triandra), kemmyn war garrygi shist