Park Kenedhlek Lynnyn Norfolk
Park Kenedhlek Lynnyn Norfolk po An Broads yw rosweyth a avonyow ha lynnyn yn Norfolk ha Suffolk yn Pow Sows. Formyes veu an lynnyn pan veu livys kleudhyow towargh y’n Osow Kres. Apoyntys veu an ranndir avel ranndir arbennik gans nivel gwithans hevelep orth bark kenedhlek yn 1988.
 | |
| Sort |
ranndir gwithys, park Kenedhlek, keunegen  |
|---|---|
| Poblans |
6,275 |
| Fondys |
1988 |
| Doronieth | |
| Konteth |
Norfolk, Suffolk |
| Gwlas |
Ruvaneth Unys |
| Arenebedh |
303 km² |
| Kesordnogyon |
52.7242°N 1.6408°E, 52.6667°N 1.5°E |
| Kod KSK |
E26000007 |
 | |
Yma an brassa rann a’n park yn Norfolk, gans moy ages 200km a avonyow hefordh. Kemyskans yw an tirwedh a gorsegi, peurva ha koswigow glyb. Drehevys veu melinyow gwyns ha dowrgleudhyow rag assaya iselhe an nivel dowr, ha meur anedha a eksist hwath.
Tornasyeth re beu posek a-dhia diwedh an 19ves kansvledhen. Gerys-da yw lestri-gwari ha korsyoryon kyn peu lehes an niver a gorsoryon a 2,400 dhe 1,700 yn 2004. An niver a dornysi a wra kudynnow dhe’n kergynnedh. Gasa karthyon dhe’n dowr a-dhia an 1950 re gawsyas eutrophication, ow tenna oksyjen dhyworth an dowr. Dhe wortheneba henna, dyghtyoryon ekosystem re garthyas loub dhyworth goles an kanolyow, ha remova puskes hag a dheber plankton. Gesys yw plansow dhe devi, ow tenna fosforos a’n dowr, ha gul bewva wiw rag puskes kepar ha densoges dowr.
Settys yw lyvrow Arthur Ransome, Coot Club ha The Big Six y’n Lynnyn Norfolk.
-
Melinyow gwyns -
Lestri gwari -
Abatti Sen Benet -
Barton Broad
