Park Kenedhlek Serengeti

Park Kenedhlek Serengeti
Sort	transboundary protected area, tennvos tornysi
Fondys	2020
Doronieth
Tyller	Tanzania
Konteth	Mara Region, Simiyu Region
Gwlas	Tanzania
Arenebedh	1,476,300 ha
Kesordnogyon	2.3328°S 34.5667°E
Menystrys gans	Tanzania National Parks Authority
Studh ertach	Ertachva an Bys UNESCO
Manylion
	Restrennow kelmys war Wikimedia Kemmyn
	[edit on Wikidata]

Park Kenedhlek Serengeti yw park kenedhlek meur a vri yn Tanzania, Afrika est. Rann yw a ranndir naturel (an Gwastasow Serengeti) a ystyn dhyworth Tanzania north dhe Kenya soth. Y arenebedh yw 14,763 km² (5,700 mildir pedrek) - arenebedh oll an gwastas yw 30,000 km². A-ji dhe'n park yma Kownans Olduvai, tyller may feu diskudhys remenans a venhes tus a-varr.

An hanow Serengeti a dheu dhyworth an ger Maasai siringet, ow styrya gwastasow didhiwedh. Ekosystem an Serengeti yw onan a'n huni kottha ha gwithys an gwella y'n bys. Moy ages 80% a'n Gwastasow yw rann a ranndiryow gwithys - Park Kenedhelek Serengeti ha Gwithva Ngorongoro yn Tanzania, Gwithva Masai Mara hag erel yn Kenya. Desedhys yw unn loskvenydh gweythresek war an Gwastas (Ol Doinyo Lengai). Hin an Serengeti yw segh ha tomm, dell ys usys. An seson glaw a dhur a-dhi mis Meurth dhe vis Me, gans nebes glaw yn misyow Hedra ha Du.

Moy ages 4.5 milvil a enevales gwyls yw trigys y'n Serengeti. An Serengeti yw an tyller rag onan a'n dyvroans godhvewnans moyha y'n bys pub bledhen, moy ages milvil ha hanter a garnviles (bualgerwys ha zebres herwydh usadow). Yn mis Hedra i a viaj wor tu ha'n soth dres an Dowr Mara dhe Danzania. Yn mis Ebrel ha Me i a dhehwel dres an avon arta dhe Genya.

A-der mayni an park po ostelyow, ny yll tus bos trigys y'n park.

Ranndiryow

An park a'n jeves tri ranndir: Gwastasow Serengeti: gwelsdir didhiwedh an soth heb gwydh. Omma, parys wra an bualgerwys ynter mis Kevardhu ha Me. Karnviles erel, zebres, gavrewiges, impalas, buales Afrika a hwer yn niveryow meur y'n seson glaw. Kopjes a ven growan yw tylleryow da rag preydhyoryon kepar ha lewes ha harber dhe hyrakses ha serf.

Tremenva an west: gweres pri du a worher savanna gwernek an ranndir ma. Tre yw Dowr Grumeti dhe grokodiles an Nil, simes kolobus ha'n er breselek. An divroans a dremen yntra mis Me ha Gortheren.

Serengeti a'n north: gwarthevys yw an tirwedh gans argosow ygor ha breow. Omma yw an tyller gwella dhe gavos olifanses, jiraf ha dik-dik (gavrewik byghan). An divroans meur a dremen yn mis Gortheren hag Est.

Ertachva an Bys UNESCO

Gwrys veu Park Kenedhlek Serengeti avel Ertachva an Bys UNESCO yn 1981, onan a seyth anedha yn Tanzania.

Howlsedhes y'n Serengeti gans gwedhen Vachellia tortilis (Dren Glawlen)
An divroans meur a vualgerwys
Bualgerwys ow tremena avon
Jirafes yn est an Serengeti
Lewes war benn kopje