Pyngo

Krug a rew gorherys gans gweres yw pyngo (pingo yn Sowsnek hag yn Kembrek ynwedh) a gevys yn ranndirow Arktek, isarktek hag Antarktek. Y hyllons bos mar veur avel 2 km a-dreus gans ughelder a 70m. Styr an hanow yw bre isel y'n yeth Inuit. Tirfurv amalrewlyvel yw pyngo.

Pyngoyow ryb Tuktoyaktuk, Tiredhow an Gledh-West, Kanada

Pyngo ogas dhe Tuktoyaktuk, Tiredhow an Gledh-West, Kanada

Onan a'n ranndirow gans an moyha niver a byngoyow war an Norvys yw Tuktoyaktuk yn Delta Mackenzie, Tiredhow an Gledh-West, Kanada. Yma a-dro dhe 1,300 anedha ena. Yma lower yn Alaska, Greunland, hag Enys Spitsbergen yn Norwy ynwedh. Yma remenans a byngoyow koth y'n Iseldiryow, ryb Zwaagwesteinde yn ranndir Fryslân, hag yn ranndirow Drenthe ha Groningen.

Dew byngo ryb Talgarreg, Kembra West

Yma ensamplow y'n Ruvanieth Unys ynwedh, yn arbennek yn Norfolk ha Kembra West.

Furvyes yw pyngoyow pan wrello dowr y'n gweres rewi. Y trehav an gweres dhe wul bre gans kolon a rew. Pan deudho an rew, gesys yw pans yn y le.

Yma'n erthygel ma owth usya an Furv Skrifys Savonek a-barth Kernowek kres.