Onan a lothow an Geltyon y'n Oos Romanek ha kyns henna o an Riedones po Redones (Greka:Ῥήδονες, Ῥηΐδονες}. Y trigens y'n ranndir yth yw Breten Vyghan est lemmyn. Redones a styr lewyoryon charett yn Gallek. Henwys yw cita Roazhon dhyworth an hanow civitas Redonum, po cita an Redones.

Ensampel a tus Edit this on Wikidata
Klass Gauls Edit this on Wikidata
Nebes lothow an Galys.

██ Osismii

██ Veneti

██ Coriosolites

██ Riedones

██ Namnetes

Herwydh Claudius Ptolemaeus, yth esens ow triga dhe'n west a'n Senones war lannow Dowr Liger (Dowr Loire hedhyw). Aga fenncita o Condate, (Roazhon hedhyw). Byttegyns, ny wrug nebes awtours klassek akordya aga bos trigys war lannow Dowr Liger; herwydh Plinius an Kottha yth esens onan a lothow Gallia Lugdunensis.

Wosa i dhe waynya batel war Dhowr Sambre yn 57 KOK, y tanvonas Julius Caesar Publius Licinius Crassus gans lyjyon dhe diredhow an Veneti, Riedones hag erel. Yth omblegyas an lothow dhodho. Herwydh Caesar, aga thiredh a ystynnas dhe'n mor. Yn 52 KOK, y tanvonas an Riedones luyow dhe hedhi synsans Caesar war Alesia.