Resek kerri

Ensampel a	eghen a sport
Klass	sport
	Restrennow kelmys war Gemmyn Wikimedia

Resek kerri (aswonnys ynwedh avel autosport) yw eghen a sport may ma kerri ow resek. Ev a dhallathas yn Pow Frynk yn 1895, hag erbynn lemmyn yth yw onan a’n sportys moyha kerys y’n bys.

Eghennow a resek kerri

Furvell Onan (po Formula One) yw an gampyorieth resek nivel ughella yn ollvysel. Nyns eus dhe gerri tan Furvell Onan ammegow kepar ha kerri kemmyn. A-dherag hag a-dryv pub karr Furvell Onan yma lentheor po askel a us ayr dhe herdhya an karr war an tir ow ri moy a dhalghen dhodho hag ytho ow mos skaffa. Pub resek Furvell Onan (gelwys Grands Prix) a gemmer le yn pow dyffrans.

Semlant Kerri Indy (an hanow a dheu dhyworth an cita Indianapolis mayth esa synsys an resek kynsa a’n eghen ma) yw pur haval dhe gerri Furvell Onan, mes i a res war resegvaow hirgylghek gans stummow dhe-gledh hepken, ha niver a resegvaow gans stummow dhe-gledh ha dhe-dyghow.

Resegow duryans yw eghen a resek gans kerri chanjys yn feur gelwys touring cars ha kerri resek gwrys a-borpos gelwys sports prototypes. Pub para resek a gomprehend moy ages unn lewyer drefen resegow duryans dhe dhurya niver a ouryow, ytho lewyoryon a gemmer troyow. An resek duryans moyha a vri y’n bys yw resek 24 our Le Mans yn Pow Frynk.

NASCAR yw kowethyans amerikanek a res resegow war resegvaow hirgylghek gans lies karr po kert. Semlant an kerri, gelwys stock cars, yw haval dhe gerri trethysi, mes gans lies gwellheans resek.

Resek Rally a hwer war fordhow kemmyn po fordhow koswik. Dell yw usys, yma lies rann dhe’n resegow ma.

Kerri lettyans po “drag racing” yw pan vo dew garr ow resek war resegva gompes dres kwarter mildir.

Go-kertys yw kerri byghan a res war resegvaow le.

Karr Furvell Onan Ferrari yn 2022
Resek Amerikanek duryans Le Mans
Resek Indy – an Indianapolis 500
Resek Rally
Resek yn Daytona, Florida
Resek lettyans
Resek gokertys

Onan a'n mil erthygel posekka war Wikipedya yw an erthygel ma.