Rhythm ha blous

Eghen a ilewydh afro-amerikanek a dhallathas y'n 1940ow yw rhythm ha blous, po resyas ha hireth, berrhes dhe R&B dell yw usys.

John Lee Hooker
Ensampel a	eghen a ilewydh
Klass	ilewydh gerysda
Label teythyek	Rhythm and blues
Dalleth/Fondya	1938
Restrennow kelmys war Gemmyn Wikimedia

Yma R&B moy gerysda hedhyw ages an 1940ow, pan dhallathas. Hi a gomprehend 'jump blues', 'doo-wop', 'soul', an twist, Motown, disco, 'funk', rap ha hip-hop. Drefen hy dhe janjya yn feur dres an bledhynnyow, possybyl yw dhe gampolla "rhythm ha blous hengovek" ha "rhythm ha blous kevos". Hi a dhallathas yn Nessa Bresel an Bys pan eth meur a dus du a statys soth an Statys Unys dhe oberi y'n citys meur.

Usys veu an term "Rhythm and Blues" yn kynsa yn 1949 gans Jerry Wexler yn lyver termyn "Billboard". Avel an term a gampoll, rhythm ha blous a dheuth dhyworth an blous, mes hi a's teves pols krev (an brassa rann a ganow R&B a's teves peswar pols y'n barr gans an poslev war an nessa ha peswora pols).

R&B a-varr

Y rekordyas Louis Jordan "G. I. Jive" yn 1944, "Caldonia" yn 1945 ha "Choo Choo Ch'Boogie" yn 1946, yn eghen henwys jump blues.

An 1950ow

Chuck Berry, "myghtern R&B"

Yn 1949, Fats Domino a rekordyas "The Fat Man" hag yn 1956 versyon a'n gan "Blueberry Hill". Chuck Berry a rekordyas "Maybellene" yn 1955 ha "Roll Over Beethoven" yn 1956. Chuck Berry yw gelwys myghtern R&B.

Unn aral o Little Richard a rekordyas "Tutti Frutti" yn 1955, "Long Tall Sally" ha "Good Golly Miss Molly" yn 1958.

Y'n 1950ow R&B a dhisplegyas dhe 'rock'n'roll' pan wrug kanoryon gwynn kepar ha Bill Haley hag Elvis Presley settya kanow gwlas dhe rhythmow R&B. R&B yw gelwys "rock'n'roll du" treweythyow ha kanoryon kepar ha Fats Domino, Chuck Berry ha Little Richard yw konsidrys yn-mysk ragresoryon rock'n'roll.

Soul

Styr soul yw "enev". Leveris yw kaner ha pianydh Ray Charles dhe dhevisya soul. Ev a dhallathas rekordya yn 1951.

Unn aral a dhallathas y'n keth spys o James Brown a dhisplegyas funk. Hevelep dhe soul yw funk mes an poslev yw war gynsa pols an barr gans rhythm treusakennek.

An 1960ow

An Twist

Yn 1959 Hank Ballard and the Midnighters a rekordyas "Teardrops on Your Letter". War du aral an blasen o kan henwys "The Twist". Yn 1960 Chubby Checker a rekordyas y versyon y honan a "The Twist", hag ev a dhevisyas dons rag mos gans an gan. Y teuth an dons fest gerysda yn ollvysel. An nessa bledhen Chubby Checker a rekordyas "Let's Twist Again".

Motown

Yn 1959 fondys veu kowethyans Motown gans Berry Gordy yn Detroit. Kanoryon moyha gerysda Motown yw Diana Ross, Smokey Robinson, Stevie Wonder ha Michael Jackson.

R&B yn Breten Veur

Y'n 1960ow bagasow kepar ha'n Rolling Stones, Manfred Mann ha'n Kinks a wre goslowes orth blasennow koth R&B ha gwari eghen dredanek a R&B.

Tus eral a vri yn R&B

Tus erel a vri yn R&B a gomprehend Booker T and the MG's, Sly & The Family Stone, Ike Turner, Tina Turner, Whitney Houston, Destiny's Child (a gomprehendyas Beyoncé), Luther Vandross, Alexandra Burke ha Mary J Blige.

• 
  Louis Jordan
• 
  Fats Domino
• 
  Bo Diddley
• 
  Destiny's Child
• 
  Little Richard
• 
  Diana Ross
• 
  The Kinks

Onan a'n mil erthygel posekka war Wikipedya yw an erthygel ma.