Snaefell

Snaefell
Sort	menydh
Doronieth
Rann a'n re a sew	Ynys Manow
Konteth	Ynys Manow
Gwlas	Ynys Manow
A-ugh an mor	621 Meter
Kesordnogyon	54.263288°N 4.461618°W
Kod OS	SC3977488087
Sevyans	2,037, 621 Meter
	Restrennow kelmys war Wikimedia Kemmyn
	[edit on Wikidata]

Snaefell (Norsek koth snjœ-fjall/snjó-fall – menydh ergh; Manowek: Sniaull) yw an menydh ughella yn Enys Manow ha’n unn bleyn dres 2000 tros-hys war an enys. Yma gorsav hyns-horn, bosti ha niver a wernow keskomunyans war an bleyn.

Gwelyow

Lavar koth yn Enys Manow yw y hyllir gweles hwegh myghterneth a Snaefell: Enys Manow, Pow Sows, Iwerdhon, Alban, Kembra ha’n nev. Nebes versyons a geworr seythves myghterneth, Manannán po’n mor. Yn apert, an gwel a greg war weladowder ha’n gewer. Leghen war an bleyn a dhiskwedh tu ha pellder pymp poynt a Snaefell:

31 mildir dhe Mull of Galloway, Alban.
51 mildir dhe Scafell, Pow Sows
66 mildir dhe Venydhyow Mourne, Iwerdhon Gledh
85 mildir dhe Liverpool
97 mildir dhe Dhulyn, Iwerdhon

(Rag neb reson, nyns usi Kembra war an leghen).

Yskynna Snaefell

Hyns-horn Menydh Snaefell a yskyn an menydh yntra mis Ebrel bys dhe vis Hedra a Laksaa dhe’n penn.

Fordh an A18 a dremen lethrow Snaefell, ha hemm yw an ughella rann a hyns resow TT Enys Manow. Kerdhoryon a wra devnydh a’n trolergh garow a’n park kerri war an fordh ma ogas dhe orsav hyns-horn Bengalji. An trolergh a dremen grow, legh, gwels ha karrek war y fordh dhe'n topp. Nyns yw res krambla ha’n kerdh a gemmer ogas dhe 45 munysen.

Desedhys yw koloven drigonometrek war benn an menydh. Yma men kedhlow war benn karnedh yn ogas.

Kewer

Yn 1970, gorsav gewer awtomatek penn Snaefell a rekordyas hwaff a 150 mildir an our. An tooth ma yw onan a’n moyha rekordys bythkweth y’n Enesow Bretennek. 2 Kevardhu 1966, ha’n gwyns ow trehedhes krevder trowyns, gwernen radyo Awtorita Ayrennans Civil a veu distruys.

Mirva

Dalleth an trolergh ogas dhe Orsav Bengalji usys yn tiopek dhe ynskynna Snaefell
Hyns-horn Menydh Snaefell owth yskynna Snaefell
Koffiji (ostel kyns) ogas dhe benn an menydh
Penn Snaefell gans an goloven drigonometrek ha karnedh
Men kedhlow ow tiskwedhes tuyow tirnosow ha’ga fellderow a benn an menydh