Elven gymyk yw thaliom, niver 81 y'n Vosen Beriodek. Y furvell gymyk yw Tl, dhyworth an ger Greka thallos, ow styrya barren las. Nyns eus rann vewoniethel dhodho. Alkan poos gwenonek yw thaliom, hag a greun y'n korf dres termyn, yn arbennek y'n lonethi ha kolon. Yn despit dhe vos gwenonek, usys o thaliom rag bledhynnyow yn medhegel dhe gawsya kelli gols. Agatha Christie a skrifas a-dro dhe bosna thaliom yn hy lyver The Pale Horse. Usys veu thaliom gans governans Irak dhe ladha erbynoryon y'n 1980ow ha 1990ow..

Ensampel a Elven gymyk Edit this on Wikidata
Klass alkan wosa-tremenyans Edit this on Wikidata
Furvell gymyk Tl edit this on wikidata
Dydhyas diskudhans 1861 Edit this on Wikidata
Niver atomek 81 Edit this on Wikidata
Elektronegedhegedh 1.62 Edit this on Wikidata
Rann a period 6, elven bagas 13 Edit this on Wikidata
Commons page Restrennow kelmys war Gemmyn Wikimedia

Diskudhys veu thaliom gans William Crookes (1832-1919) yn Loundres yn 1861 pan welas lin gwyrdh yn spektrum trenken sulfurik avlan. Ev a aswonnas bos elven nowydh ena, hag ev a brovyas an hanow thaliom, drefen bos liw y brov flamm avel skyllen. An nessa bledhen Claude-Auguste Lamy (1820-1878) a wrug hwithrans manylys yn Lille, Pow Frynk, hag enyshe an alkan. Wosa dadhel hir, ervirys veu dhe enora an dhew dhiskudher. Diskudhys veu moon thaliom, ha henwys veu crookesit yn 1867.

Usys yw thaliom dhe wul gweder arbennek, kellow fototredanek ha sensellow isrudh.

Poos atomek thalliom yw 204.38, y boynt teudhi yw 304°C ha'y boynt bryjyon yw 1457°C. Y dhosedh yw 11.9kg an liter. Alkan medhel gwynn-arghansek yw.

Mirva golegi