Treusporth

Klass	gwriansow denel, liv stoffow
Synsys ynno/i	fordh a dreusporth, rail transport
	Restrennow kelmys war Gemmyn Wikimedia

Treusporth yw movya tus po taklow dhyworth unn tyller dhe dyller aral. Y hyllir y ranna dhe isframweyth, degadoryon hag oberyansow.

Isframweyth a gomprehend fordhow, hensyow horn, ayrborthow, dowrgleudhyow ha piblinellow. An isframweyth yw an rosweyth mayth yw degys an taklow warnodho. Isframweyth a gomprehend ayrborthow, gorsavow hyns horn, gorsavow kyttrin ha kayow, dell yw usys. Drehevys yw isframweyth gans governansow herwydh usadow, pes gans trethow dhyworth burjysi an pow po ranndir. Desinys yw isframweyth kepar ha fordhow ha hensyow horn gans ynjynoryon civil ha towlenoryon trevow.

Degadoryon (Sowsnek: vehicles) po lestri a viaj war an isframweyth. Degadoryon a gomprehend kerri, kertow, trenow ha jynnow ebron. Dell yw usys, desinys yns i gans ynjynoryon jynnweythek. Lestri a gomprehend skathow, kowbalow ha skathow hir a viaj war dhowgleudhyow hag usya kayow gwara ha morporthow. Y’n keth fordh trenow dhe usya hensyow horn, jynnow ebron a us hensyow neyjya.

Oberyansow a rewl an kevreyth. Oberyansow a gomprehend golowysi hag arwodhyow daromres, arwodhyow hyns horn ha tourys routya daromres ayr. I a gomprehend policis ha rewlys governans, kepar ha tollow fordh, tollow keunys ha laghys daromres.

Treusporth ha keskomunyans

Y hyllir usya treusporth ha keskomunyans yn le an eyl y gila (nebonan a alsa pellgowsel yn le vysytya). Yma edhom dhe dreusporth keskomunyans ynwedh. Rag ensampel routya daromres ayr a as moy a jynnow ebron dhe neyjya.

Treusporth, nerth ha’n kerghynnedh

Treusporth a us meur a nerth. An brassa rann a dreusporth a wra devnydh a hidrokarbonow kepar hag oyl ha gass a yll kawsya defolyans. Laghys kerghynedhel ha keunys isel aga defolyans a weres lehe defolyans, mes pan vo usys moy a dhegadoryon, gwrys yw moy a dhefolyans.

Sortow a dreusporth

Treusporth a hwer war an tir, an dowr po y’n ayr:

Treusporth war an tir owth usya fordhow, hensyow horn gans degadoryon kepar ha kerri, trenow ha diwrosow.
Treusporth war an dowr owth usya gorholyon ha skathow hir yn dowrkleudhyow, avonow ha war an mor.
Treusporth ayr owth usya jynnow ebron, ayrborthow ha troyow askel.

Jynn ebron yn Ayrborth Tewynblustri
Fordh dhewblek an A30 ogas dhe Lannstefan
Kayow gwara Aberfala
Kyttrin an dowlen 'Parkya hag Ehwias' yn Stret Veur, Aberfala
Tren ow tegi pri dhe gayow gwara Fowydh

Onan a'n kans erthygel posekka war Wikipedya yw an erthygel ma.