Umm Kulthum

Kanores veur an bys arabek o Umm Kulthum. Spellyans aral war hy hanow yw Oum Kalsoum (ynwedh Om Kalthoum). (Herwydh an Arabek أم كلثوم an leveryans yw "ym kulthoom"). Hy hanow leun o Umm Kulthum Ibrahim al-Sayyid al-Baltaji. Genys veu hi yn Tamay-az-Zahayra, neb 100km. (60 mildir) dhe'n north a Cairo yn Ejyp. Nyns yw dedhyas hy genesigeth godhvedhys yn certan, martesen an 4a a vis Me, 1904. Hi a verwis yn Cairo an 3 a a vis Hwevror, 1975.

Umm Kulthum
Genys	فاطمه ابراهيم السيد البلتاجى  31 Kevardhu 1898  Tamay Ez-Zahayra
Mernans	3 Hwevrer 1975  Cairo
Label rekordya	EMI Classics
Kenedhlogeth	Khedivate of Egypt, Sultanate of Egypt, Kingdom of Egypt, Republic of Egypt, United Arab Republic, Ejyp
Galwesigeth	kaner, gwarier, gwarier film
Gis	music of Egypt
Sort a lev	kontralto
Pries	Hassan Alhifnawy
Pewasow	Order of the Virtues, Supreme Order of the Renaissance, Order of the Republic, Order of the Two Rivers, Order of Civil Merit (Syria), Order of the Republic, National Order of the Cedar

Hy lenhanow yn Arabek yw "as-sit", "An Arlodhes". Re beu gelwys "An Peswora Pyramid", "Steren an Est" ha "Duwes an Gan Arabek" ynwedh. Hi re werthas moy ages 120 milvil a rekordyow. Hy hanow yw aswonnys dhe bobel yowynk ha koth dres an bys arabek ow kesunya elvennow klassek ha delanwesow nowydh yn kettermyn.

Plasenskrif dewisys

Kepar ha acheson hy hanow, merkyewgh dell wra treuslytherennans an titlow Arabek y'n rol ma varya. An kanow re beu dyllys gans lies kowethyans dres an bledhynnyow, ha dyllys yw kuntellow hwath.

• Amal Hayati ("Govennek ow bewnans")
• Enta Omri ("Ti yw ow harer")
• Fat el Mead ("Re holergh")
• Hagartek ("My a'th hasas")
• Alif Leila wa Leila ("Mil hag onan a nosow")
• Sirat el Hob ("Kân kerensa")
• Arouh li Meen ("Dhe biw y tal dhymm treylya?")
• Raq il Habeeb ("Ow harer a worthebis")
• Lessa Faker ("Ti a berth kov hwath")
• Hathehe Laylati ("Ottomma ow nos")
• Al Atlal ("An magoryow")
• Betfaker fi Meen ("A-dro dhe biw esos ta ow prederi?")
• Hayarti Qalbi Ma'ak ("Ti re gemyskas ow holon")
• El Hobb Kolloh ("Oll an kerensa")
• Ental Hobb ("Ti yw Kerensa")
• Leilet Hobb ("Nos a gara")
• Othkorene ("Porth kov ahanav")
• Yali Kan Yashqiq Anini
• Es'al Rouhak ("Govyn dha honan")
• Enta Fein Well Hobbi Fein ("Ple'th esos ta ha ple'ma kerensa?")
• Dhikrayatun
• Lel Sabr Hedod ("Yma diwedh dhe berthyans")
• Baeed Anak ("Hebos ji")
• Hadeeth el Rouh ("Keskows an Enev")
• Gharibun Ala Bab el Raga
• Fakarouni ("Kovheys ov vy")
• Zalamna El Hob ("Pegh erbynn kerensa")
• Ya Zalemny
• We Maret El-Ayam ("Y tremenas an dedhyow")
• Hobb Eih ("Py kerensa?")
• Rubaiyat Al-Khayyam ("Gwersyow Omar Khayyam")
• Ya Msaharny ("Ti a'm syns difun y'n nos")

Onan a'n mil erthygel posekka war Wikipedya yw an erthygel ma.