Whethlow an Seyth Den Fur A Rom

Gwarnyans magor: yma manylyon an darvosow po an diwedh ow sywya.

Whethlow an Seyth Den Fur a Rom yw hwedhel skrifys gans A.S.D. Smith (Caradar), ha dyllys yn 1948. Dastyllys veu gans Dyllansow Truran y'n 1980ow. Skrifys yw yn Kernewek Unys.

Treylyas Caradar an hwedhel dhyworth versyon Henry Lewis. Henry Lewis y honan a aswisas dasskrif kevys y'n Lyver Rudh Hergest (1400-1425) avel Chwedleu Seith Doethon Rufein. An hwedhel a dheu dhyworth kylgh a hwedhlow yn Sanskritek, Persek po Ebrow y'n kynsa le.

Diocletian o an Emperour yn Rom. Wosa y wreg Eva dhe verwel ha gasa unn map yn er dhedha, ev a restras seyth den fur dhe dhyski gras ha dader, maneryow teg ha megyans da dhodho. Diocletian a dhemedhis arta. An eyl wreg o benen avius ha kraf. Restrys veu dell vedha y vab komendys a-rag an emperour. An seyth den a gussulyas na godh dhodho leverel travyth a-rag an Emperour ha'y wreg.

Pur serrys o an Emperour. Ev a leveris a-rag an senedh dell vedha y vab ledhys ternos. Dres an seythen nessa, pub dydh onan a'n seyth den fur a wrussa lenna hwedhel dhodho rag movya an Emperour may na veu ledhys y vab, ha gwreg an Emperour a wre lenna hwedhel rag movya an Emperour may hwrella ladha y vab. War an ethves dydh, an mab a gews ha lenna an hwedhel diwettha.