An Wodhva

An Wodhva
Sort	menydh, korn
Doronieth
Ranndir gwithans	Park Kenedhlek Eryri
Konteth	Gwynedd
Gwlas	Kembra
A-ugh an mor	1,085 Meter
Kesordnogyon	53.068864°N 4.075589°W
Kod OS	SH6098954379
Manylion
Sevyans	1,039 Meter
Tas topp	Ben Nevis
Kadon	Park Kenedhlek Eryri
	Restrennow kelmys war Wikimedia Kemmyn
	[edit on Wikidata]

Menydh an ughella Kembra yw an Wodhva (1085m/3560t). Y sev yn gogledh Park Kenedhlek Eryri, yn Kembra North. Menydh moyha bysi an Ruvaneth Unys yw. Yn 2018 y kerdhas 500,000 a dus dhe’n penn, gans 140,000 ow mos war hyns-horn an Wodhva. Gwithva natur kenedhlek yw awos hy bestes ha plansow.

Formyans

Gwrys gans loskvenedhyow y’n Oos Ordowek veu karrygi an Wodhva. Wosa henna, furvyes gans rewlyvans veu y’n Oos Rew, hag a wrug kribow serth Crib Goch (Krib Rudh) ha Lliwedd. Usyes vedha an Wodhva gans krambloryon kepar hag Edmund Hillary kyns krambla Everest yn 1953.

Hensyow dhe'n topp

Yma hwegh hyns kerdhes dhe’n topp, ha Hyns-horn an Wodhva maga ta, h.y. hyns-horn rak ha pynyon hag onan a'n bennfentynnyow chif a dornyaseth yn Gwynedh. Yma koffiji y’n orsav war benn an menydh a’n hanow Hafod Eryri.

Hyns-horn an Wodhva y'n ergh

Styr an hanow

Styr an hanow Kembrek, yr Wyddfa, yw tron po ynkleudhva (ynkleudhva an kowr Rhita Gawr wosa y fethans gans Arthur Gernow herwydh an henhwedhel). Styr y hanow Sowsnek, Snowdon, yw Bre Ergh.

Pur lawek yw an Wodhva; y lawgodh bledhennek kresek yw moy es 5,000mm pub bledhen. Bleujen danow Lili’r Wyddfa (Gagea serotina) a dyv war ledrow an menydh ha menedhyow yn ogas dhodho. Y trig marghvrini ha paloresow war an menydh ynwedh.

Krib Rudh ha bocka Brocken

Yma'n erthygel ma owth usya an Furv Skrifys Savonek a-barth Kernowek kres.