Park Kenedhlek Eryri
Park Kenedhlek Eryri (Sowsnek: Snowdonia National Park) a veu an park kenedhlek kensa apoyntys en Kembra, e’n vledhen 1951. Tiredh menedhyek ew gen an tri menedh uhella a-ves dhe Sgotland e'n Ruvaneth Unys. Moy ages 26,000 a dus ew trigys e’n park. 59% anodhans a wodhya kewsel Kembrek en 2011. Ema pednplas an park en Penrhyndeudraeth.
 | |
| Sort |
massyf, savle bern skiansek arbennek, kadon menydhyow  |
|---|---|
| Doronieth | |
| Ranndir gwithans |
Park Kenedhlek Eryri |
| Konteth |
Gwynedd |
| Gwlas |
Ruvaneth Unys |
| Arenebedh |
20,414.63 ha |
| A-ugh an mor |
1,085 Meter |
| Kesordnogyon |
52.9°N 3.85°W |
| Hys |
2.13 |
| Kadon |
Cambrian Mountains |
 | |
| Studh ertach |
savle bern skiansek arbennek |
| Manylion | |
Karrygi Eryri ew kemyskans a gyllas ha [[Karrek danek|karrygi losvenedhyek]. Effeythyes veu an tiredh gen rewlivans en Oos an Rew. En Cwm Idwal, Charles Darwin o an kensa den dhe ajon effeyth rewlivans war an tirwedh en Breten Veur. Ema niver a lydnow e’n park, bewva dhe buskes tanow, pekara’n torgoch po Arctic char. Kevys ew niver a blansow tanow, pekara Lili’r Wyddfa (Gagea serotina) war an ledrow serth. Derow ew an chif gwydh en kosow an park.
Pur leb ew ayredh Eryri. Glawgodh bledhennek kresek Crib Goch ryb an Wodhva ew moy es 5,000mm pub bledhen. Awos hebma ema niver a dredanvaow dowrdredanek e’n menedhyow. Pur bosek ew amethi deves dhe ekonomieth an park, ha tornyaseth maga ta. Tournyji a spenas £433 milvil en 2013. Nanj ew kans bledhen, an tiredh ma o an moyha posek e’n bes rag askorra legh. Ema lies mengleudh ha’ga atal a-dreus dhe’n park. Treylyes veu niver a forr'ow kledher an mengleudhyow dhe dreusperthi tournyji, pekara for' kledher an Wodhva.
Ma an erthygel ma usya an Furv Skrifys Savonek a-barth Kernowek diwedhes.