Askorra

Askorra yw gwrians gwara a dhevnydhyow kriv der an us a lavur, jynnys ha toulys, keffrys hag argerdhow kymyk po bewoniethel. Rann chyf an nessa ranngylgh a'n erbysiedh yw. An ger yw devedhys an ragelven 'as-' ha'n verb 'gorra'.

Linen-geskorra yn weythva Ford yn 1913.

An term a yll styrya efander a wrians denel, a greftweyth gwrys gans krefter unnik dhe daklow ugheldek, mes yth yw usys dre vras dhe styrya desin diwysyansek may ma devnydhyow kriv a'n kynsa ranngylgh treusfurvys yn gwara gorfennys gans kowrogeth. An gwara ma a yll bos gwerthys dhe wrioryon erel rag gul askorrasow erel hag yw moy komplek (kepar ha jynnys-ebron, darbar mayni, mebel, daffar sport po degadoryon), po lesrynnys der an tressa diwysyans dhe usyoryon ha konsumyoryon (dell yw usys der gowlwerthoryon a's gwerth dhe dhaskwerthoryon a's gwerth dhe brenoryon).

Yn termyn eus passys, askorrasow o gwrys dre leuv. Y'n jydh hedhyw, an brassa rann a sodhow askorra yw chanjys dhe vos gwrys gans jynnys awtomatek. An re ma a askorr lies gweyth uskissa hag a bris isella ages dell yll tus. An rann gylgh askorra yw kelmys gans ynjynorieth ha diwysyans.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.