Basbousa

Basbousa (ynwedh namoura, revani, hareseh hag henwyn erel) yw tesen velys Ottoman hengovek dhyworth Turki y'n kynsa le, kynth yw meurgerys yn powsow erel. Gwrys yw dhyworth kestew semolina, kegys yn padell, ena melysheys gans dowr bleujen owraval, dowr rosen po melysugen sempel, terrys dhe furvow adamantys. Kevys yw y'n brassa rann a ranndiryow an Emperoureth Ottoman, hag ev a wra apperya yn keginyeth an Levant, keginyeth grek, azerbaijanek, turkek ha lies aral.

Klass	tesen
Gwlas	Eritrea
Synsys ynno/i	semolina
Restrennow kelmys war Gemmyn Wikimedia

Henwyn

Basbousa y'n Levant gans alamandys war benn

Kevys yw basbousa y'n keginyethow an Levant, Balkanyow ha Afrika North gans lies hanow.

• Arabek Ejyp: basbūsah
• Arabek Libi: basbousa
• Arabek: هريسة harīsa (ow styrya brewys), نمورة nammoura
• Armeniek: Շամալի shamali
• Grew: ραβανί (ravani), ρεβανί (revani), σάμαλι (samali).
• Turkek: revani
• Makedonek: (ravanija), раванија

Basbousa yw hanow an melyssand yn Ejyp hag Afrika North. Henwys yw "hareesa" yn fenowgh y'n Levant, hag yn cita Ejyp Alexandria maga ta, mes yn ranndiryow erel Ejyp, hareesa yw melyssand dyffrans yn tien. Notyewgh bos "haressa" yn Afrika North sows rudh spisek. Melyssand meurgerys yw basbousa yn-mysk Ejyptyonyon oll; an chif sand ejypek yw rag Eid ha Ramadan, ha rag Kristonyon ynwedh pan ymons i ow sevel orth dybri, kepar ha rag Korawys ha Nadelek, drefen bos possybyl dhe wul versyon vegan anodho.

Basbousa Vegan (Usys yw sows aval yn le oy)

Varyansow

Pastūsha (treweythyow pastūçha) yw varyans a basbousa dhyworth Koweyt y'n 2010ow. Kepar ha basbousa, gwrys yw dhyworth semolina segys yn melysugen. Keworrys yw know pistachio melyes ha dowr bleujen owraval.

Basbousa bil ashta – varyans dhyworth an Levant lenwys gans dehen ashta (dehen molys a Levant) y'n kres.

Basbousa Vegan - An termynyow ma, kevys yw basbousa avel versyon vegan. Usys yw sows aval dhe lena an kemyskans warbarth yn le askor leth ha oyow.