Gorta Fenten Geyn

Gorta Fenten Geyn (Sowsnek: St Keyne Wishing Well Halt) yw gorsav hyns-horn war an Linen Nans Logh a serv an treveglos a Sen Keyn ha gwithti "Magnificent Music Machines".

Tren ow mos war-tu ha Lyskerrys ow trehedhes Gorta Fenten Geyn.

Istori

Kyn an hyns-horn dhe ygeri, y feu an bargennow tir ha treveglosow y'n arenebedh servyes gans an Dowrgleudh Kesunyans Lyskerrys ha Logh. An Hyns-horn Lyskerrys ha Logh veu ygerys war 27ves mis Kepardhu 1860 rag karya gwara yntra Lyskerrys ha Logh ha'n dowrgleudh veu devnydhyes lyha ha lyha. Trenow trethysi a dhallathas war 11ves mis Gwynngala 1879, mes nyns o bys dhe'n 25ves mis Hwevrer 1902 yth ygerys an gorta ogas ha Sen Keyn y'n Nans Logh, wosa an hyns-horn dhe junya gans an penn-linen dhe worsav Lyskerrys.

Deskrifans

Entrans dhe Worta Fenten Geyn.

Yma unn kay gans skovva vian dhe Worta Sen Kay usi desedhys a-dhyghow dhe drenow ow mos war-tu ha Logh.

Sevisyow

Y hedh ogas ha pub tren dhe Sen Keyn orth govyn - hemm a styr bos res dhe drethysi leverel dhe'n gwithyas-tren y fynnons diyskynna omma; yma res dhe'n re a vynn junya an tren gul sinell kler dhe'n lewyer ha'n tren ow trehedhes. Nyns usi trenow war dhydhyow Sul y'n gwav yntra mis Du ha mis Me.

Gweller ynwedh

Gorsavow erel an Linen Nans Logh

• Lyskerrys 
• Gorta Dibarthva Komm
• Dowr an Woon (deges)
• Tir an Bughes
• Tewesva
• Logh

Erel

• Rol a hensi-horn yn Kernow
• Rol a hensi-horn yn Breten
• Linen Nans Logh
• Keskowethyans Kledhrennow Dewnens ha Kernow