Keskowethyans Kledhrennow Dewnens ha Kernow

Brassa Keskowethyans Kledhrennow an Ruwvaneth Unys yw an Keskowethyans Kledhrennow Dewnens ha Kernow (Sowsnek: Devon and Cornwall Rail Partnership). Grondyes veu ev yn 1991 dhe avonsya devnydhyans ha gwellheansow an hensi-horn powek yn Dewnens ha Kernow ha dhe avonsya an leow servyes rag dhe wellhe an ekonomieth leel.

Gorsav Tewynblustri.

Sel an Keskowethyans yw yn Pennskol Aberplymm hag yw skoodhyes gans Konsel Konteth Dewnens, Konsel Kernow ha Konsel Cita Aberplymm. Skoodhyans gans an diwysyans hyns-horn a dheuth a-dhyworth Trenow Wesseks wortalleth, mes gans Hyns-horn Bras an West wosa an kens dhe dhenagha y franchis yn 2006.

Hensi

Yma hwegh hyns-horn skorren powek eus avonsyes gans an Keskowethyans, pub onan gans skoodhyans a Barti Oberi ha konsels leel.

• Linen Arvordiryow Atlantek - Porth dhe Dewynblustri.
• Linen Baya Porthia - Lannudhno dhe Borthia.
• Linen a'n Mor - Truru dhe Aberfala.
• Linen Nans Logh - Lyskerrys dhe Logh.
• Linen Nans Tamar - Aberplymm dhe Dhowrgonna.
• Linen Tarka - Karesk dhe Barnstaple.

Yma dew linen aral a vos a-dhyworth Karesk - an Linen Avocet ha'n Linen Trethvor - mes nyns yns i hensi-horn kemeneth, byttegyns yns i komprehendyes yn avonsyansow "Hyns-horn Teg" gans an Keskowethyans ha hensi-horn ertach an pow.

Yn keworrans, yma bagasow "Kothmans" dhe seul hyns-horn eus skoodhyes gans an Keskowethyans a wra avonsyans leel a wonisyow ha gul oberennow avel ober-lowarth ha kuntel-strol.

Mirva

• 
  Linen a'n Mor.
• 
  Linen Nans Logh.
• 
  Linen Nans Tamar.
• 
  Linen Arvordiryow Atlantek.
• 
  Linen Tarka.
• 
  Linen Kammas an Tewyn.

Gweller ynwedh

• Rol a hensi-horn yn Kernow
• Penn-hyns-horn Kernow

Kevrennow

Great Scenic Railways in Devon and Cornwall (yn Sowsnek).