Jean-Jacques Rousseau
Jean-Jacques Rousseau (28 Metheven 1712 – 2 Gortheren 1778) o filosofer, skrifer ha komposydh a Jeneva. Y filosofieth politek o delanwes war avonsyans an Golowyans dres Europa, keffrys ha tremmynnow an Domhwelans Frynkek ha'n displegyans a breder erbysek, adhyskansel ha politek arnowydh.
| Jean-Jacques Rousseau | |
|---|---|
.jpg) | |
| Genys |
28 Metheven 1712  Geneva |
| Mernans |
2 Gortheren 1778 Ermenonville |
| Kenedhlogeth |
Repoblek Jeneva, Pow Frynk |
| Galwesigeth |
filosofer, classical composer, romansydh, skrifer assays, arvreusyas ilow |
| Tas |
Isaac Rousseau |
| Pries |
Thérèse Levasseur |
| Kespar |
Françoise-Louise de Warens |
| Sinans | |
Y oberen The Social Contract (An Kevambos Kowethasek) yw pur bosek yn preder sosyel ha politek arnowydh. Y romans amovyansek Julie ou la Nouvelle Héloïse (Julie, po an Heloise nowydh) a 1761 o posek rag an displegyans a gynsromantegieth ha romantegieth yn fugieth. Emile, or On Education (Emile, po War Adhyskans) a 1762 yw assay adhyskansel ow tochya le an unigyn yn kowethas. Y skrifa honanvewskrifek —Les Confessions (An Avowansow), skrifys yn 1769 ha dyllys wosa y vernans, a dhallathas an honanvewskrif arnowydh, ha Les Rêveries du promeneur solitaire (Hunrosow Jorna an Kerdher Digoweth) hanter kollenwys mes skrifys 1776–1778—a ros ensampel a'n Oos Finder a'n 18ves kansvledhen dhiwedhes. I a dhiskwedhas moy a fog war sojetuster hag omhwithrans a dheskrifas skrifa arnowydh wosa henna.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |