Kalettir

Kalettir
Eneysmenydh a galettir ogas dhe Dori, Burkina Faso
Klassans bewoniethek

Kalettir, Kembrek - cramen galed ha Sowsnek - duricrust, yw nivel kales war po ogas dhe enep an tir. Aga thewder a wra varya yntra nebes millimetrow po centimetrow dhe nebes metrow.

Term yw kalettir dhe dheskrifa parth a godhans ha kaleshe furvys war po ogas dhe enep korfow godhesel drefen argerdhow gweres. Yn tipek furvys yns i gans kreunans monyow teudhadow godhesys gans dowrow leun a vonyow hag a way war-vann po war-nans po a-dreus gans gweythres korrbiben. Pur gemmyn yw hemma yn difeythtiryow drefen ethennans.

Yma sortow dyffrans a galetiryow, pub onan anedha gans monydhieth warthevyek. Rag ensampel, kalettir horn po laterit (Sowsnek - laterite po ferricrete) yw gwarthevys gans seskwioksidow horn, kalettir aluminiom (Sowsnek - alcrete po bauxite) gans seskwioksidow aluminiom hag possybyl yw kavos versyonow gwarthevys gans silika (kalettir silika, Sowsnek silcrete), kalciom karbonat (kalettir kalgh, Sowsnek calcrete po caliche) ha jypsum (gypcrete).

Studhyes yn fenowgh veu kaletiryow dres hwithrans ow tochya an planet Meurth drefen ev dhe weres bos gans an planet moy a dhowr neb termyn. Diskudhys veu dowr war Veurth yn tylleryow tirya Viking 2 ha Phoenix. Kalettir Phoenix a veu prevys awosa dhe vos drefen gwayans dowr.

• 
  Kalettir horn yn Meksiko Nowydh
• 
  Mengleudh kalettir horn yn Eynda
• 
  Fordh gwrys a galettir horn yn Senegal
• 
  Kalettir silika yn Alban Nowydh
• 
  Kalettir kalgh
• 
  Panorama a dyller tirya Phoenix