Chilopoda
| Kanstrosow Efander menhesennow: Silurek Diwedhes – lemmyn 430-0 Ma | |
|---|---|
| |
| Kollaj a ganstrosow | |
| Klassans bewoniethek | |
| Gwlaskor: | |
| Isgwlaskor: | |
| (anrenkys): | |
| Ughfylum: | |
| Fylum: | |
| Isfylum: | |
| Klass: | Chilopoda Latreille, 1817
|
| Urdhow, Isurdhow ha Teyluyow | |
| |
Kanstros yw eghen a eneval gans lies troos. Preydhoryon yns i, ow helghya y'n nos. Nebes kanstrosow yw gwenonek, mes ny yll onan anedha ladha den vytholl marnas bos alergedh dhedha. Yma kanstrosow y'n klass Chilopoda, ha kelmys yns i dhe vildrosow nag yw gwenonek. Kepar ha mildrosow, rennys ynsi dhe lies tregh (ynter 5 ha 173 anedha, mes gans unn kopel a drosow dhe bub tregh. Kevys yw a-dro dhe 8,000 eghen a ganstrosow y'n bys.
Kigdhebroryon yw kanstrosow y'n chi a dheber hwiles du, kelyon ha ballow chi erel. Dhe les yns i ytho, mes drefen aga semlant, yn fenowgh ledhys yns i. Dell yw usys, disliw yns i, ow kesunya gell po rudh. Re a vyw yn fowys a yll bos heb liw vytholl, ha lies kanstros trovannel a'n jeves liwyow splann.
Kevys yw kanstrosow yn lies kerghynnedh., ow trehedhes dhe'n north a Gylgh Arktek hogen, dhyworth koswigow glaw trovannel dhe dhifeythtiryow. Dell yw usys res yw kanstrosow kavos korrvewva leyth drefen aga fowt a gneus korus, dyffrans dhe hwesker ha kevnis. Ytho, y hyllir aga havos yn gweres ha del marow, yn-dann meyn ha prenn marow, hag a-ji dhe gyfyon.