Knivil
Efander menhesennow:
Paleoocen – lemmyn 61.7–0 Ma
Gwiwer lost gwynn
Lostledan ha'y gathik
Klassans bewoniethek
Gwlaskor:
Fylum:
Klass:
Urdh:

Knivil yw eneval a'n urdh Rodentia (dhyworth an Latin rodere, 'knias'). Bagas pur sewenus yns i, a's teves dew dhans a-rag. An dens a dyv heb hedhi ha res yw an knivil aga gwiska orth knias po rbylsmala war neppyth kales. Hemm yw pennfenten aga hanow.

An brassa rann a gniviles yw byghan. Ensamplow a gniviles kemmyn yw logos, rathes, gwiweres dor ha gwiweres. Erel gwithys avel enevales dov yw hghes Gyni, hamsters ha jerbyls. Kniviles moy a gomprehend ballaskes, lostledanes ha'n knivil moyha, an kapybara, hag a dyv dhe hys a 135cm ha poos a 65kg.

Hanter pub eghen a vronnvil yw kniviles.

Suposys yw konines ha skovarnogyon dhe vos kniviles gans nebes tus, mes yn 1912 bewonydhyon a erviras gwrythul urdh nowydh ragdha henwys Lagomorpha drefen bos dew dhans a-rag moy dhedha war aga gen a-ugh. Gelwys yw hwistles kniviles treweythyow, mes nyns yw hemma ewn. I yw y'n urdh Eulipotyphla (Insectivora kyns).

Taksonomieth golegi

Yma moy a deyluyow ages an re ma. An rol a gomprehend an teyluyow moyha kemmyn.

  • Urdh Rodentia
    • Isurdh Anumaluromorpha
      • Teylu Anomaluridae
      • Teylu Pedetidae (lammskovarnogyon)
    • Isurdh Castorimorpha
      • Teylu Castoridae (lostledanes)
      • Teylu Geomyoidea (goferes ha rathes kangarou)
    • Isurdh Hystricomorpha
      • Teylu Ctenodactylidae
      • Teylu Hystricidae (ballaskes)
      • Teylu Myocastoridae (koypou)
      • Teylu Caviidae (hoghes Gyni)
      • Teylu Chinchillidae (chinchilles)
      • teylu Cuniculidae
    • Isurdh Sciuromorpha
      • Teylu Aplodontiidae (lostledan an menydh)
      • Teylu Gliridae (hunek)
      • Teylu Sciuridae (gwiweres ow komprehendya gwiweres dor, logos an meurbras ha marmotes)
    • Isurdh Myomorpha
      • Ugheldeylu Muroidea
      • Ugheldeylu Dipodoidea
        • Teylu Dipodidae
  Onan a'n mil erthygel posekka war Wikipedya yw an erthygel ma.