Kragen

Klass	psammit, stoff drehevel naturel, karrek wodhasek
Synsys ynno/i	gogotte
	Restrennow kelmys war Gemmyn Wikimedia

Kragen ew karrek wodhasek klastek (hemm ew, gwres a debmigow ha gwrisow dhort karrygi erel) komposys a debmigow silikat myns tewes (0.0625 dhe 2 mm) en matriks po lim. Krag a gomprehend a-dro dhe 20–25% oll an karrygi godhasek. Henwys ew Porth Kragen dhort an ger 'kragen'.

An brassa radn a grag ew komposys a ganndir po gwrisven (y dhew yw silikatow) drefen anjeii dhe sevel ort tewedha an moyha war enep an Norvys. Pekar ha tewes heb matriks krag a ell bos neb liw drefen anpuredhow e'n monyow, bes an liwyow moyha kebmyn ew gell, melyn, rudh, loos, rudhwydn, gwydn ha du. Drefen bos gweliow kragen ow furvya alsow pur weladow, neb liwyow a grag ew kefrysys en krev gen tiredhow arbednek. Ensamplow dhort Breten Veur ew 'Portland stone', 'Old Red Sandstone' ha 'Pennant Stone'.

Furvyansow karrek komposys dre vras a gragen a wra gara dowr dhe omsidhla. Dewanadow lowr enjei dhe senji mynsow meur a dhowr, etho dowrhensow (aquifers) posek enjei ha kreunow oyl kriv.

Kragednow a ell bos chanjys dhe ganndirit (quartzite) dre dreusfurvieth, dell ew usys dre waskans tektonek a-ji tiredhow orojenek. Treusfurvyans kragednow a furv shistow, herwydh usadow.

Gweliow krag en Ohio
Kragen 'Furvyans Porth Kragen' en Hartland Quay, Dewnans
Kownans Antelope, Tiredh Navajo, Statys Unys
Fosow cita Karesk, gwres a gragen
Golinyans a dhororieth POw an Sowson soth-est, ow tiskwedha gweliow krag

Ma an erthygel ma usya an Furv Skrifys Savonek a-barth Kernowek diwedhes.