Nagarjuna

Filosofer Bouddiek o Nāgārjuna (ca. 150 – ca. 250 OK). Konsidrys yw avel onan a'n filosofers Bouddiek posekka. Ynwedh ev, warbarth ha'y dyskybel Aryadeva, a fondyas skol Bouddieth Mahāyāna. Nāgārjuna a gyv an prays rag displegya filosofieth an sutras Prajñāpāramitā], ha herwydh erel, rag diskudha an skriptors ma dhe'n bys wosa aga bos gweresys gans an nāg]s, spyrysyon dowr liwys avel tus sarfek dell yw usys. Moy ages henna, y krysir, herwydh henhwedhlow, Nāgārjuna dhe skrifa lies skrif war destennow rasayana ha spena termyn avel penn managh Nālandā.

Nagarjuna
Genys	c. 150  Eynda soth
Mernans	c. 250  Eynda
Alma mater	Nalanda Mahavihara
Galwesigeth	filosofer, skrifer, bhikkhu, compiler
Bleujyow	2 century
Soodh	Zen Patriarch

Istori

Pur voghes yw godhvedhys a-dro dhe vewnans Nāgārjuna drefen bos an skrifow a-dro dhodho skrifys yn Chinek ha Tibetek kansvledhynnyow wosa ev dhe verwel. Herwydh nebes, genys veu Nāgārjuna yn Eynda soth. Nebes skolheygyon a grys dell ova kussulyer dhe onan a vyghternedh Satavahana. Mars yw hemma gwir, dustuni hendhyskoniethel a dhiskwedh dell o possybyl bos Yajña Śrī Śātakarṇi an myghtern ma, ow reynya ynter 167 ha 196 OK. Drefen hemma. an dedhyansow 150–250 OK yw res dhe Nāgārjuna dell yw usys.

Herwydh bewskrif a'n 4a ha 5ves kansvledhen treylyes gans Kumārajīva, genys veu Nāgārjuna dhe deylu Brahmin yn Maharashtra. Y teuth ha bos Bouddydh neb term yn yn y vewnans.

Nebes pennfentenyow a lever y vos ow triga war venydh Śrīparvata ogas dhe cita Nāgārjunakoṇḍa diwedh y vewnans. Magoryon Nāgārjunakoṇḍa a eksist yn ranndir Guntur, Andhra Pradesh, hedhyw. Godhvedhys yw dell veu dhe skolyow Caitika ha Bahuśrutīya managhtiow yn Nāgārjunakoṇḍa, mes ny wrug diskudhansow hendhyskoniethel diskwedhes dustuni vytholl bos an tyller kelmys dhe Nāgārjuna y honan. An hanow "Nāgārjunakoṇḍa" a dheu dhyworth an Osow Kres. Skrifow a'n 3a ha 4a kansvledhen a displeg y vos henwys Vijayapuri y'n Oos Koth.

• 
  Mappa a'n Emperoureth Satavahana ow tiskwedhes tylleryow Amaravathi (le may oberas Nāgārjuna) ha Vidharbha mayth o genys
• 
  Gravyans a Nagarjuna yn managhti yn Alban
• 
  Lymnans a Nagarjuna dhyworth Tibet

Onan a'n mil erthygel posekka war Wikipedya yw an erthygel ma.