Nematod

Nemotodes
	Eophasma jurasicum, menhesen nemotod
Klassans bewoniethek
Gwlaskor:	Animalia
Isgwlaskor:	Eumetazoa
(anrenkys):	Bilateria
Fylum:	Nematoda; Rudolphi, 1808
	Adenophorea; Is-ddosbarth Enoplia; Is-ddosbarth Chromadoria; Secernentea; Is-ddosbarth Rhabditia; Is-ddosbarth Spiruria; Is-ddosbarth Diplogasteria

Nematodes po kenoges kren yw onan a'n fylums enevales moyha divers, rann a'n protostomes.

Semlant nemotodes yw pur haval an eyl y gila. Moy ages 80,000 eghen re beu deskrifys, ha dres 15,000 anedha yw parasitek. Estemys yw dell alsa an somma a genoges kren deskrifys hag heb aga deskrifans bos moy ages 500,000.

Kesweyth aga horfow yw nebes haval. Kennen dew a ro defens, owth oberi avel eskern korf hydrostatek. Studhys veu a'n eghen Caenorhabditis elegans yn tour, ha dielvennys y genom yn 1998. Pur avonsys yw dielvennans TDN a nemotodes, owth aswon gwedh a berthynyans eghennow.

Niver a gellow y'n organow yw sad a-ji eghen. Nemotodes a's teves niver a gellow yw stag ha determys gans genynnek. Aswonnys yw an fenomenon avel eutely. Gorow C. elegans a'n jeves 1031 kell, niver na wra chanjya wosa diwedh an spys larval pan wrello rannans kellow hedhi. Tevyans yw drefen ynkressyans yn myns kellow yn unnik.

Nematodes re aswiwas dhe bub ekosystem yn ogas: a dhowr sall dhe dhowr hweg, gweresow, a ranndiryow Arktek dhe'n trovannow, keffrys ha ughelderow ughel hag isel. Dell yw usys yma niverow moy anedha ages pub eneval aral warbarth. I re beu diskudhys yn town yn-dann enep an tir, yn balyow owr yn Afrika Dhyghow yn downder a 0.9–3.6 km (3,000–12,000 tr). I yw 90% a oll an enevales war leur an keynvor. Hys ha hys 4.4 × 10²⁰ nematod yw trigys yn gweres an Norvys, 60 bilvil dhe bub den, an sommow moyha yn tundra ha koswigow sab.

Epidemionieth

Studhyansow re dhiskudhas dell yll niver a nemotodes an golydhyon kawsya klevesow a effeyth tus, ow komprehendya ascariasis, trichuriasis, ha kleves baghkennak. Nemotodes filaryel a gaws klevesow kepar ha dellni an avon hag elephantiasis.

Delinyans a Caenorhabditis elegans
Skeusen a Caenorhabditis elegans
Ascaris lumbricoides - hys ynter 15 - 35 cm
Den effeythys gans elephantiasis

Onan a'n mil erthygel posekka war Wikipedya yw an erthygel ma.