Pow

Pow yw tiredh gans emlow politek diblans a wra perghenegi sovranedh dres arenebedh doroniethek komparek gans poblans fast, rewlys gans y wovernans y honan.

Leveryans: Pow

Mappa an Nor gans emlow politek a bowyow.

Pow yw dyffrans a genedhel. Kenedhel yw kemeneth a dus furvys gans an grond a yeth kemmyn, tiredh kemmyn, ethnekter kemmyn, h.e. Pow a yll bos stat sovran anserghek po rann a stat brassa, tiredh fisegel gans governans, po ranndir doroniethek kelmys gans tus anserghek kyns.

Nyns eus gorthyp amyttys yn ollgemmyn a by lies pow usi y'n bys yn hwir, mes an ispoynt yw an 193 pow a'n Kenedhlow Unys. Possybyl yw an niver ma dhe vos brassa yn lies fordh. Rag ensampel, yma dew stat mirer a'n Kenedhlow Unys: Palestayn ha Sita Vatikan.

Hemm a yll bos efanys moy dre geworra an kenedhlow tre a'n Ruvaneth Unys, Ruvaneth an Iseldiryow ha Ruvaneth Danmark. Taywan yw klasshes avel pow ynwedh, mes yma dadhel ow pesya yn kever sovranedh Taywan gans China.

An brassa pow y'n bys der arenebedh yw Russi ha'n pow gans an moyha tus yw China. An nowyttha esel a'n Kenedhlow Unys yw Soudan Soth.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.