Sodron
Tabanidae
Efander menhesennow:
Jurassek Kres – lemmyn 155-0 Ma
Tabanus sulcifrons
Klassans bewoniethek
Gwlaskor:
Fylum:
Klass:
Urdh:
Diptera
Ughdeylu:
Tabanoidea
Teylu:
Tabanidae

Latreille, 1802
Isteyluyow
  • Adersiinae
  • Chrysopsinae
  • Pangoniinae
  • Scepsidinae
  • Tabaninae
Sodronen
Sodron war gonna margh

Teylu a gelyon meur skav aga neyj yw sodron, po Tabanidae y'n urdh Diptera. Saw an re benow a vros enevales, os komprehendya tus, rag kavos goos. Gwell yw gansa neyja y'n golow an howl, ow koheles tylleryow tewl ha skeusek. Nyns yns i gweythresek y'n nos. Kevys yns i dres an bys a-der nebes enesow ha'n ranndiryow penneghlek (Hawaii, Greunland, Rewenys).

Henwys yns i Pryfyn y gweryd (Pryv an gweres) yn Kembrek ha horse fly po gadfly yn Sowsnek.

Sodron tevesik a dheber nektar ha sugennow plansow; an re gorow a's teves ganowyow gwann, ha marnas an re benow a vros enevales dhe gavos protin lowr dhyworth goos rag askorra oyow. Ganowyow an re benow yw furvyes avel organ gwana tew gans dew gopel a lownyow lymm, ha rann kepar ha spong rag sugna goos a liv dhyworth an goli. Preydhyoryon yw an preves (larvae), ow tevi yn bewvaow hanter-dowrek.

Sodron benow a yll treusworra disesys dre woos dhyworth unn eneval dhe'n aral. Godhvedhys yw i dhe garya virus anemia klevesys mergh, trypanosomiasis, an vulugen filarial Loa loa, anthraks yn mysk bughes ha deves, ha tularemia. An re ma a yll lehe kevradhow tevi yn bughes hag askorrans leth.

Sodron re omdhiskwedhas yn lien a-dhia Aeschylus yn Hen Res a leveras dell wrens herdhya tus dhe "vuskokter".