Hen Res
Hen Res (Greka: Ἑλλάς, romanhes: Hellás) o hwarheans kresvorek north-est a dhallathas y'n Osow Tewl Grek a'n 12ves–9ves kansvledhynnyow KOK bys y'n diwedh kotheneb klassek (c. 600 OK). Kuntel lows a stat-sitys kelmys gans gonisogeth ha yeth keffrys ha tiredhow erel nag o kesunys marnas unweyth, rag 13 bledhen, yn-dann emperoureth Aleksander Veur (336-323 KOK). Liesgweyth brassa o ages kenedhel Gres aswonnys genen y'n jydh hedhyw.
.JPG) | |
| Sort |
gis art, hen hwarheans, ranndir istorek, ranndir gonisogethel, gonisogeth, oos istorek  |
|---|---|
| Doronieth | |
| Rann a'n re a sew |
istori Gres |
| War oryon |
Thrace, Illyri, Emperoureth Persian |
| Arghans |
ancient Greek coinage |
Yth esa lies stat-sita - Athina, Sparta ha Korinth an stat-sitys kreffa - pub anedha gans y gorf lagha y honan. Yth esa myghternses dhe re anedha, ha furvow gwerinieth dhe re anedha, kepar hag Athina. Gans termyn, sitys an moyha nerthek a guntellas sitys erel yn bagasow gelwys "kesunyansow". Yth esa kolmow nes dhe'n brassa rann a sitys ha gwlasvaow grek yn Anatoli gans onan a'n tri sita krev.
An dus a Hen Res a gewsas yeth kemmyn, hen Reka, hag yth esa gonisogeth kemmyn dhedha maga ta. Yth esa delanwes krev dhe wonisogeth rek klassek, yn arbennik yn filosofieth, war Hen Rom. Rom a dhros gwersyon an wonisogeth na dres an ranndir kresvorek ha meur a Europa. Rag an acheson ma, Gres Klassek yw gwelys avel kowel lesk hwarheans a'n West ha'n wonisogeth may teu lies tybyans selyek y'n West arnowydh anedhi yn kever politegieth, filosofieth, godhonieth hag art.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |