Tenessin

Elven gymyk synthetek yw tenessin, niver 117 y'n Vosen Beriodek hag onan a'n elvennow treus-fermiom. Y furvell gymyk yw Ts. Diskudhys veu tenessin yn mis Ebrel 2010 yn Dubna, Russi gans bagas a wodhonydhyon dhyworth Russi ha'n Statys Unys (dhyworth Kaliforni ha Tennessi). Ytho tenessin yw an elven diskudhys moyha a-dhiwedhes, ha'n elven nessa possa wosa oganesson. Yma dew isotop dhe denessin, an unn gans an hanter-bewnans hirra yw tenessin-294, 51 milieylen. An hanow a dheu dhyworth stat y'n Statys Unys, Tennessi. Gwrys veu an atomow tenessin dre danbellenna kosten a verkeliom gans kalciom. An berkeliom a dheuth dhyworth Arbrovji Kenedhlek Oak Ridge, yn Tennessee.

Mirva

• 
  Kosten berkeliom
• 
  Dasoberor Oak Ridge, Tennessi