Akbar

Abu'l-Fath Jalal-ud-din Muhammad Akbar (25 Hedra 1542 – 27 Hedra 1605), aswonnys avel Akbar Veur, hag ynwedh avel Akbar I, o an tressa emperour Mughal neb a reynya a 1556 dhe 1605. Personoleth krev ha pennhembrenkyas sewen, Akbar a vrashas Emperoureth Mughal dhe synsi ynni meur a'n isvrastir Eyndek. Byttegyns, y gallos ha delanwes a ystynna dres an isvrastir dien awos maystri Mughal breselek, politek, gonisogethel hag erbysek.

Akbar
Genys	15 Hedra 1542  Umarkot Fort
Mernans	15 Hedra 1605, 27 Hedra 1605  Fatehpur Sikri
Galwesigeth	myghtern
Soodh	emperour Mughal
Tas	Humayun
Mamm	Hamida Banu Begum
Pries	Mariam-uz-Zamani, Ruqaiya Sultan Begum, Salima Sultan Begum
Fleghes	Jahangir I, Murad Mirza of Hindustan, Prince Daniyal, Aram Banu Begum, Khanum Sultan Begum, Shakr-un-Nissa Begum
Linyeth	Mughal dynasty

Akbar a dheuth wosa y das, Humayun, dhe 13 bloodh yn 1556 pan wrug y das merwel. Ev a rewlya yn-dann lesruw, Bairam Khan, neb a'n gweresa dhe lesa ha fasthe arlottes Mughal yn Eynda. Islamek o ev. An 3a mis Hedra 1605, gyllys klav a veu gans dysenteri. Ny wrug ev gwellhe. Dewdhek dydh wosa y bennbloodh 63ves, ev a verwis. Ynkleudhys yw y gorf yn bedhros yn Sikandra (Agra).

Rag kesunya an stat Mughal kowrek, Akbar a fondyas kevreyth kresennys a venystrans dres y emperoureth ha degemeres polisi a goselhe rewlyoryon fethys dre dhemedhyans ha lyskannaseth. Rag gwitha kres hag aray yn emperoureth hag o pur dhiwyrs yn maner kryjyek ha gonisogethel. Ynwedh, ev a dhegemeras polisiow a waynyas skoodhyans y sojets di-Islamek. Yn-dann woheles kolmow leythek hag honanieth stat Islamek, Akbar a strivyas dhe gesunya tiryow pell y wlaskor dre lelder, diskwedhys dre wonisogeth Eynda-Persian, dhodho avel an emperour.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.