Avicenna

Ibn Sina (ابن سینا), aswonnys y'n West avel Avicenna (c. 980 – Metheven 1037), o liesdysker Persian. Yth aswonir avel onan a'n brederydhyon, skriforyon, steronydhyon ha medhogyon an moyha posek a'n Oos Owr Islamek. Tas a vedhegneth arnowydh a-varr yw ev. Y hanow Arabek formel o Abū ʿAlī al-Ḥusayn bin ʿAbdullāh ibn al-Ḥasan bin ʿAlī bin Sīnā al-Balkhi al-Bukhari.

Avicenna
Genys	980  Afshona
Mernans	18 Metheven 1037, 1037  Hamadan
Trigva	Ray, Bukhara, Urgench, Gorgan, Hamadan
Kenedhlogeth	Emperoureth Samanid, ternieth Ziyarid, ternieth Buyid
Galwesigeth	filosofer, prydydh, steronydh, medhek, damkanydh ilow, fisegydh, awgrymer, kymygydh, masydh, reythor Islamek, skrifer
Soodh	veysyr
Aswonnys rag	Canon of Medicine, The Book of Healing, Al-isharat wa al-tanbihat
Chyf delanwes	Al-Biruni, Plotinus, Mahomm, Galen, Aristotle, Hippocrates, Ibn Zuhr, Wasil ibn Ata, Abu Zayd al-Balkhi, Al-Kindi, Abu Bakr al-Razi, Al-Farabi

Genys veu Avicenna yn ogas dhe Bukhara, lemmyn yn Pow Ousbek, rewlys y'n oos na gans an dernieth Samanid. Y das o sodhek an governans. Erbynn 10 bloodh ev a dhyskas an Koran dre gov. Ev a dhallathas dyski medhegneth 16 y vloodh. Erbynn 18 bloodh ev a dheuth ha bos mester a'n posekka oberennow a wodhonieth yn y oos.

Ev a skrifas a-dro dhe 450 oberen ow tochya lies testen dyffrans. A-dro dhe 240 re dreusvewas, y'ga mysk 150 a filosofieth ha 40 a vedhegneth. Y oberennow an moyha a vri yw The Book of Healing, godhoniador filosofek ha skiensek, ha The Canon of Medicine, godhoniador medhegel. Yn-mes a filosofieth ha medhegneth, Avicenna a skrifas ow tochya steronieth, alchemy, doronieth ha dororieth, brysonieth, theologieth Islamek, lojyk, awgrym, fysegieth ha bardhonieth.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.