Kons kalgh

Kons kalgh yw tirfurv karst naturel hag a gonsyst a arenep gwastas a galgh hevelep orth kons gwrys. Usys yw an term dre vras y'n Ruvaneth Unys hag Iwerdhon. Yn tylleryow erel y'n bys henwys yns i avel alvar.

Klass	tirfurv
Restrennow kelmys war Gemmyn Wikimedia

Furvyans

Gwrys yw konsow kalgh pan wrello rewliv kravas an gweres a-ughto dhe asa kalgh yn gweli gorwelyek. Drefen bos kalgh teudhadow yn dowr (yn arbennik glaw trenk), tewedha a-hys fowtow ha krackys a wra leghyon (gelwys klintow) enyshes gans folsyow down (henwys grikow).

Ensamplow

Kevys yw konsow kalgh yn kerghynedhow rewlivys yn kyns a-dro dhe'n bys. Ensamplow da yw kevys y'n Nansow Konteth Evrek ha Cumbria yn Kledhbarth Pow Sows (kepar hag a-ugh Malham Cove, war denewen menydh Ingleborough, hag a-ugh Grange-over-Sands), hag y'n Burren, Iwerdhon.

• 
  Kons kalgh ow tiskwedhes an klintow ha grikow
• 
  Kons kalgh ha menydh Ingleborough (y'n gilva)
• 
  Kons kalgh y'n Burren
• 
  Klintow ha grikow