Tirfurv
Tirfurv yw shap aswonadow a enep an tir (ha treweythyow gweli an mor). I a hwer yn lies sort a vynsow, yntra nebes metrow dhe gansow a gilometrow.
Klassa tirfurvowChanjya
Y hyllir klassa tirfurvow yn niver a fordhow. Unn fordh yw herwydh an kerghynnedh mayth yw furvyes, po an eghen a garrek a dhelenow myns ha shap an tirfurvow, po y dyller herwydh argerdhow tektonek.
KerghynnedhChanjya
Tirfurvow arvorelChanjya
(rag moy a vanylyon, y hweller an folen, tirfurvow arvorel)
Tirfurvow arvorel yw gwrys gans ober an tonnow, owth esknia, treusperthi ha godhesa stoffow.
Tirfurvow arvorel esknianselChanjya
Penntir, baya, sawen ha stakk yw ensamplow a dirfurvow war an arvor gwrys gans esknians.
Ranndir Donostia yn Gwlas Baskek, ow tiskwedha bayas ha pennow tir
Saven ryb treth Pednvownder, Selevan
Fow ogas dhe Dhintagell
Tirfurvow arvorel godhesanselChanjya
Wosa esknians, an mor a dreusberth tewes hag erel ha's godhesa, ow furvya trethow ha tavasow tewes.
.jpg)
Tirfurvow avonChanjya
(rag moy a vanylyon, y hweller an folen tirfurvow avon)
Argerdhow a esknians ha godhesans hevelep dhe dirfurvow arvorel a hwer gans avonow.
Tirfurvow avon esknianselChanjya
Tirfurvow eskniansel tipek yw dowrlamm, kownans ha kowbollow.
Kowboll meur yn Stat Evrek Nowydh
Dowrlam Russel yn Tasmania, Ostrali, ow tiskwedhes nivel an garrek gales
Kownans yn-dann Dowrlam Victoria, ynter Zambi ha Zimbabwe
Tirfurvow avon godhesanselChanjya
Y'n keth fordh, an avon a dreusberth ha godhesa tewes ha leys war an fennva. Tirfurvow tipek yw fennva,delta ha heyl.
Fennva ha rynn an Dowr Dyfi yn Kembra
Delta Dowr Ganga yn Eynda
Tommen ryb Castle Dyke, Konteth Lincoln
Tirfurvow rewlivelChanjya
(rag moy a vanylyon, y hweller an folen tirfurvow rewlivel)
Rewlivow ha lienyow rew a yll esknias ha godhesa mynsow meur a stoff.
Tirfurvow rewlivel esknianselChanjya
Rewlivow a eskni kommow, nansow U, kribow ha kern.
Nans Lauterbrunnen, Swistir
Horn margh an Wodhva dhyworth Moel Siabod
Sharp Edge, Blencathra, Pow an Lynnyn
.jpg)
Tirfurvow rewlivel godhesanselChanjya
Rewtinyow, bronnegi ha marianow yw tirfurvow godhesansel tipek kawsys gans rewlivow.
Als arvorel a rewtinyow, Dinas Dinlle, Kembra
Bronnek yn Kledhbarth Iwerdhon
Pennmarian meur yn Alpow Pow Frynk
_-_geograph.org.uk_-_760865.jpg)
Tirfurvow frosrewlivelChanjya
(rag moy a vanylyon, y hweller an folen frosrewlivans)
Ynwedh, kemyskans a argerdhow avon ha rewliv a gaws tirfurvow frosrewlivel, kepar ha pollow kalter, leskargvaow hag avonow plethys.
Leskargva hag avon blethys
Leskargva Skeiðarárjökull, Rewenys
Poll kalter yn Greunland
Tirfurvow amalrewlivelChanjya
(rag moy a vanylyon, y hweller an folen amalrewlivans)
Tirfurvow amalrewlivel a hwer yn tylleryow a-ugh rewlivow (nunatakow) po ogas dhe rewlivow. Argerdhow kepar ha ober rewi-teudhi a askor tirfurvow kepar ha radel, kleusvaow ha dor patronyow.
Klusva war benn menydh yn Pow an Lynnyn
Dor patronys yn Alaska
Radel yn Alban
Tirfurvow eolekChanjya
(rag moy a vanylyon, y hweller an folen tirfurvow eolek)
Ober an gwyns a yll esknias, treusperthi ha godhesa tewes ynwedh.
Tirfurvow eolek esknianselChanjya
Ober an gwyns, ow hwytha tewes erbynn enep karrek a yll gul niver a dirfurvow, kepar ha meyn skavel gronek, ventifaktow ha yardangow.
Men eskniys gans an gwyns
Ventifakt (men trihornek shapys gans ober an gwyns), Difeythtir Mohave, Kaliforni
Yardangow y'n Difeythtir Qaidam, China
Hager-awel polter yn Teksas, 1935
Tirfurvow eolek godhesanselChanjya
An gwyns a guntel tewes dhe wul breow gelwys tewynnow. Yma lies sort ha shap anedha.
Tewyn barghan
Skeusen lorell a dewynnow seyf
Tewyn steren ha pans dihwethans
_sand_dunes_imaged_by_Terra_(EOS_AM-1).jpg)
Tirfurvow tektonekChanjya
(rag moy a vanylyon, y hweller an folen tirfurvow tektonek)
Gwayans an plattys tektonek a wra tirfurvow meur ha byghan, ow krog war aga thyller komparek dhe emlow dyffrans.
Tirfurvow emlow drehevyekChanjya
Dew blat a wra gwaya a-les. Hemm a furv loskvenydhyow basalt a-hys keynow kres an keynvor, keffrys ha nansow fols ha tell tanvorel.
Bewheans a furvyans keyn kres an keynvor
Nans fols yn Rewenys
Tell tanvorel hidrothermel
Enys loskvenydhyek war geyn kres an keynvor Atlantek
Lynn Tanganyika yn Nans Fols Afrika est
.jpg)
Tirfurvow emlow kisusChanjya
Pan wra dew blat gwaya an eyl tro'ha y gila, furvyes yw kadonow menydhyow kepar ha'n Andes, stratoloskvenydhyow ha kleudhyow islonkel.
Kadon menydhyow an Andes
Kleudh islonkel Puerto Rico
Stratoloskvenydh Cotopaxi
Tirfurvow emlow gwithyaselChanjya
A-hys emlow gwithyasel, nyns yw krestennen nowydh gwrys po distruys. Yn le henna, an eyl tu a way hevelys dh'y gila. Ledrow serth, pollow fowt gans hyns ygam-ogam a hwer.
Fowt San Andreas, Kaliforni
Lynn San Andreas, ensampel a boll fowt
Kleger fowt kawsys gans dorgrys
KarrygiChanjya
Eghennow dyffrans a garrek a's teves gnasow dyffrans. Hemm yw skila tirwedhow dyffrans, ow krog war an fordh yth esknions po tewedha.
Men growanChanjya
Men growan a dewedh yn blockys pedrek. Hemm a furv karnow, pur aswonnys yn Kernow ha Dewnans. Tirfurvow hevelep, mes yn ranndiryow trovannel, yw kopjes ha bornhardts.
Karn an Keuswask
Kopje yn Zimbabwe
Bornhardt yn Ostrali, Uluru
,_Uluru-Kata_Tjuta_National_Park,_Uluru_--_2019_--_3704-8.jpg){kind=small}
KreyChanjya
Karrek dellek yw krey, ytho ny wra goverow frosa war enep an tir. Y'n termyn wosa Oos an Rew, an tir o rewys ytho dowr teudh a esknias nansow, yth yw segh lemmyn. Krey a furv ledrow serth, hag eskniys yw avel alsow gans an mor.
Alsow Gwynn Dover
Devil's Dyke, Sussex, ensampel a dirwedh krey
KalghChanjya
Kalgh a furv sett a dirfurvow arbennik drefen bos tewedhys yn es gans dowr. Karst yw hanow an tirwedh ma. I a gomprehend gogowyow, lenkdell ha daspennfentenyow.
Gogow kalgh - Gaping Gill yn kledhbarth Pow Sows
Kownans Cheddar Gorge
Daspennfenten avon
GwylarChanjya
Unn furv arbennek a galgh kevys y'n mor yw gwylar. Ev a hwer avel kribow yn ranndiryow trovannel.
Krib a wylar yn Israel
Rann a Varr-grib Meur Ostrali
Skeusen dandhowr a grib
DorlesChanjya
Y hyllir klassa tirfurvow herwydh aga tyller war enep an nor. Yn tylleryow Alpek ha penneghlek (Arktik hag Antarktik), tirfurvow rewlivel hag amalrewlivel yw kemmyn. Gwarthevys yw dorlesow temprek gans tirfurvow avon. Gwelys yw tirfurvow eolek yn difeythtiryow an is-trovannow. Tewedha krev y'n trovannow a askor gweresow down ha tirfurvow men growan.
Tirfurvow war blanettys erelChanjya
A-dhia an 1960ow, lies tavell efanvos re vysytyas planettys erel. Yn farthys, possybyl o dhe weles tirfurvow pur hevelep dhe'n re war an nor. Diskudhys yw ensamplow a dirfurvow avon ha tewynnow war an planet Meurth, tirfurvow rewlivel war Blouton, lynnyn war an loor Titan, loskvenydhyow war Io ha Gwener. Unn argerdh pur gemmyn war blanettys erel nag yw mar gemmyn war an Nor drefen bos dhodho ayrgylgh yw kowdelli.
Ensamplow a gowdellChanjya
Kowdoll Barringer, Arizona
Lies kowdoll ow komprehendya Valhalla war Callisto
Remenans kowdoll Vredefort, Afrika Dhyghow
Kowdoll Balanchine ow tiskwedhes bleyn yn kres an kowdoll, Mergher
Ensamplow a dirfurvow erel y'n Kevreyth HowlekChanjya
Tewynnow war an blanet Meurth
Loskvenydh gweythresek war Io
Nans fols, Valles Marineris war Veurth
Esknians gans dowr war Veurth
Lynnyn war an loor Titan
Rewlivow a rew nitrojen war Blouton
