Nansow Legh Kembra North

Ertachva an Bys


Nansow Legh Kembra North yw ertachva UNESCO desedhys yn Kembra North, onan a deyr ertachva UNESCO y'n ranndir. Dowrbons Pontcysyllte ha Kastylli Myghtern Edward 1a yn Gwynedd yw an dhew aral. Apoyntys veu yn mis Gortheren 2021 wosa displegyans a brofyans deg bledhen. Hi a gomprehend 7 tyller:

  1. Mengleudh Penrhyn ha Porth Penrhyn, Bethesda
  2. Mengleudh Dinorwig
  3. Nans Nantlle
  4. Mengleudh Gorseddau ha Pennsevik Kembra, Cwm Pennant
  5. Ffestiniog ha Porthmadog
  6. Mengleudh Bryneglwys, Abergynolwyn ha Hyns Horn Talyllyn
  7. Aberllefenni
Diwydiant llechi Cymru
Bethesda-Mine-07367u.jpg
Sort tremynnow a ranndir doroniethel Edit this on Wikidata
Doronieth
Konteth Gwynedd Edit this on Wikidata
Gwlas Ruvaneth Unys Edit this on Wikidata
Studh ertach Ertachva an Bys UNESCO Edit this on Wikidata
Manylion


An diwysyans legh a wrug tohow rag Breten Veur hag Europa a-dhia kres an 18ves kansvledhen. An legh veu kemerys war hensyow horn dhyworth an mengleudhyow dhe borthow kepar ha Porthmadog, Porth Penrhyn ogas dhe Vangor ha Caernarfon. Pur bosek o rag erbysieth Kembra North-West gans moy ages 15,000 o oberoryon erbynn diwedh an 19ves kansvledhen. Dyffrans yn tien dhe'n diwysyans glow yn Kembra Soth o poos an yeth Kembrek. Oberoryon a wrug gweres fondya Pennskol Bangor ha synsi gonisogeth Kembrek hy yeth.

Posek o an diwysyans rag displegyans kesunyansow lavur yn Kembra wosa astelyow ober meur diwedh an 19ves kansvledhen. Dres an 20ves kansvledhen an diwysyans a dheklinas. Dew vengleudh yw ygerys hwath, Mengleudh Penrhyn yn Bethesda ha Mengleudh Llechwedd yn Blaenau Ffestiniog.

Lemmyn posek yw an ranndir rag tornasyeth. Usys yw Mengleudh Penrhyn rag gwivrennow zypp, ha tennvos tornysi yw Mengleudh Llechwedd yn Blaenau Ffestiniog. Desedhys yw an Gwithti Kenedhlek Legh Kembrek yn Mengleudh Dinorwig keffrys ha kresen sedhi. Tennvosow tornysi yw niver a hensyow horn Kembra North kepar ha Hyns-horn Lynn Padarn.

MirvaChanjya