Penicillin

Penicillin yw bagas a gorthviotigow usys dhe dhyghtya klevesyansow kemmyn. Ev o onan a'n re kynsa diskudhys, owth oberi yn ta erbynn staphylococci ha streptococci. Lies sort a vakteria re dhisplegyas defens erbynn gorthviotigow. Res yw dhe gymygydhyon chanjya rann a'y gesweyth rag gwitha y dhefens erbynn an bakteria.

Ensampel a	klass kesweythel a gestoffow kymyk
Klass	β-lactam antibiotic, penams
Torrans	Us pregnancy category b
Label teythyek	Penicillin
Dydhyas diskudhans	28 Gwynngala 1928
Rann a	penicilina:], penicillin metabolic process, penicillin catabolic process, penicillin biosynthetic process
Synsys ynno/i	nitrojen, oksyjen, karbon
Askor	Penicillium
Restrennow kelmys war Gemmyn Wikimedia

Kesweyth kolonnen Penicillin: R yw an bagas varyansek

Nebes koskow a askorr Penicillin yn naturel

Diskudhys veu penicillin gans an godhonydh albanek Syr Alexander Fleming yn 1928, mes ny veu routh-askorrys bys dhe 1940. Askorrys yw an gorthviotig yn naturel gans fong a'n kinda Penicillium. Erbynn lemmyn yma bagas leun a worthviotigow derivys dhyworth Penicillium ow komprehendya penicillin G, procaine penicillin, benzathine penicillin, ha penicillin V.

Penicillin yw usys treweythyow dhe dhyghtya pockys Frynk, fagel kilwagrennow po tonsillitis, fagel ympynnyon po meningitis, niwmonia ha disesys erel maga ta. Usys veu yn kynsa yn efan dres Nessa Bresel an Bys.

Diskudhys veu penicillin pan wrug Fleming merkya kosk a lettya bakteria rag tevi yn lester petri. An godhonydh ostralek Howard Walter Florey a dreylyas an kosk penicillin dhe vedhegneth. Warbarth ha godhonydh aral, Ernst Boris Chain, Fleming ha Florey a gavas an Pewas Nobel rag Medhegieth yn 1945.

Nebes tus a's teves allergedh dhe benicillin. Arwodhyow a gomprehend penn-dro, skit po brygh. Namenowgh, perthyoryon a's teves allergedh a dhispleg terthen, hwyja po kavos brygh kneus sevur. Drefen y vos gorthviotig, penicillin yw an moyha kemmyn skila a dhasoberyon allergek dhe dhrogg. Usys yns i yn klavjiow.

Synthesis kowal

An kymygydh John C. Sheehan yn Fondyans Teknegieth Massachusetts (MIT) a askorras an synthesis kymygiethel kynsa a benicillin yn 1957.

• 
  Bragesydh usys dhe askorra kosk penicillin yn 1957
• 
  Dorothy Hodgkin a dhiskudhas kesweyth penicillin yn 1945
• 
  Routh-askorrys veu penicillin erbynn 1944
• 
  Howard Florey
• 
  Alexander Fleming

Onan a'n mil erthygel posekka war Wikipedya yw an erthygel ma.